തിരുവല്ല: ലോക ആയുർവേദ ദിനാചരണത്തിന്റെ ഭാഗമായി എസ്.എൻ.ഡി.പി.യോഗം മുത്തൂർ ശാഖയും പൈതൃക് യോഗ ആൻഡ് ആയുർവേദ ട്രീറ്റ്‌മെന്റ് സെന്ററും വൈദ്യരത്‌നം ഔഷധശാലയും സംയുക്തമായി സൗജന്യ രോഗനിർണയ ക്യാമ്പും ഔഷധ വിതരണവും നടത്തും. ഇന്ന് രാവിലെ 9 മുതൽ മുത്തൂർ എസ്.എൻ.ഡി.പി. ഓഡിറ്റോറിയത്തിലാണ് ക്യാമ്പ് . മുൻസിപ്പൽ കൗൺസിലർ ഇന്ദു ചന്ദ്രൻ ഉദ്ഘാടനം ചെയ്യും. ശാഖാ പ്രസിഡന്റ് പ്രസാദ് കരിപ്പക്കുഴി അദ്ധ്യക്ഷത വഹിക്കും.മുൻസിപ്പൽ കൗൺസിലർ ശോഭാ വിനു ഔഷധ വിതരണം ഉദ്ഘാടനം ചെയ്യും. ഫിസിഷ്യൻ ഡോ.ശരത് ചന്ദ്ര, വനിതാസംഘം സെക്രട്ടറി സുജാത ആർ എന്നിവർ പ്രസംഗിക്കും.