റാന്നി : ബന്ധുവായ പ്രായപൂർത്തിയാകാത്ത പെൺകുട്ടിക്കുനേരെ ലൈംഗികാതിക്രമം കാട്ടിയ കേസിൽ യുവാവിനെ പിടികൂടി റിമാൻഡ് ചെയ്തു. ആലപ്പുഴ കാർത്തികപ്പള്ളി ചേപ്പാട് കാഞ്ഞൂർ ഇടവക്കാട് വീട്ടിൽ നിന്ന് ചേത്തക്കൽ ക്ഷേത്രത്തിനുസമീപം തടത്തേൽ വീട്ടിൽ താമസിക്കുന്ന റോയ് വർഗീസ് (34) ആണ് റാന്നി പൊലീസിന്റെ പിടിയിലായത്. പ്രതി പെൺകുട്ടിയോട് പലതവണ ലൈംഗിക അതിക്രമം കാട്ടുകയും മൊബൈൽ ഫോണിൽ അശ്ലീല വീഡിയോകൾ കാണിക്കുകയും, പീഡിപ്പിക്കാൻ ശ്രമിക്കുകയും ചെയ്തുവെന്നാണ് കേസ്. കേസെടുത്തതോടെ മൊബൈൽ ഫോൺ സിം ഉപേക്ഷിച്ച് സ്ഥലംവിട്ട പ്രതിയെ എറണാകുളത്തേക്ക് രക്ഷപ്പെടാൻ ശ്രമിക്കുന്നതിനിടെ ചെങ്ങന്നൂർ റെയിൽവേ സ്റ്റേഷനിൽ നിന്ന് പൊലീസ് ഇൻസ്‌പെക്ടർ എം.ആർ.സുരേഷിന്റെ നേതൃത്വത്തിലാണ് പിടികൂടിയത്. എസ് ഐ ശ്രീജിത്ത്‌ ജനാർദ്ദനൻ, എസ്.സി.പി.ഒ ബിജു മാത്യു, സി.പി.ഒമാരായ ഷിന്റോ പി ടി, ഉണ്ണികൃഷ്ണൻ, ലിജു എൽ ടി എന്നിവരും ഒപ്പമുണ്ടായിരുന്നു.