റാന്നി: ഓൾ കേരള പ്രൈവറ്റ് ബാങ്കേഴ്സ് അസോസിയേഷൻ റാന്നി താലൂക്ക് സമ്മേളനം വളയനാട്ട് ഓഡിറ്റോറിയത്തിൽ ( ജെസിലി പനവേലി നഗർ ) നടന്നു.അഡ്വ.പ്രമോദ് നാരായൺ എം.എൽ.എ ഉദ്ഘാടനം ചെയ്തു. താലൂക്ക് പ്രസിഡന്റ് ടി.ടി.കുര്യൻ അദ്ധ്യക്ഷത വഹിച്ചു. മികച്ച വിജയം നേടിയ കുട്ടികൾക്കുള്ള സ്കോളർഷിപ്പ് വിതരണം റാന്നി പഴവങ്ങാടി പഞ്ചായത്ത് പ്രസിഡന്റ് അനിത അനിൽകുമാർ നിർവഹിച്ചു. താലൂക്ക് ജോയിൻ സെക്രട്ടറി സാബു പി.ജോയ്, താലൂക്ക് സെക്രട്ടറി മനുമോൻ സി, താലൂക്ക് ട്രഷറർ പി.എം ജോസഫ്, സംസ്ഥാന ജനറൽ സെക്രട്ടറി കെ.കെ ഗോപു, സംസ്ഥാന സീനിയർ വൈസ് പ്രസിഡന്റ് ജെ.അനിൽ, സംസ്ഥാന ഡെപ്യൂട്ടി ജനറൽ സെക്രട്ടറി, പിആർ പുഷ്പകുമാർ ജില്ലാ പ്രസിഡന്റ് സി.കെ രാജൻ , പഴവങ്ങാടിക്കര സർവീസ് സഹകരണ ബാങ്ക് പ്രസിഡന്റ് ജേക്കബ് ലൂക്കോസ്, സാം മുള്ളങ്കാട്ടിൽ എന്നിവർ പ്രസംഗിച്ചു.