ചെങ്ങന്നൂർ : എസ്.എൻ.ഡി.പി.യോഗം ചെങ്ങന്നൂർ യൂണിയനിലെ 1857ാം നമ്പർ പാണ്ടനാട്‌ നോർത്ത് ശാഖയുടെ ആഭിമുഖ്യത്തിലുള്ള ഒന്നാമത് പാണ്ടനാട്‌ നോർത്ത് ശ്രീനാരായണ കൺവെൻഷൻ ഇന്ന് സമാപിക്കും. ഇന്ന് വൈകിട്ട് 6.30 ന് അവധൂതന്റെ ആവിർഭാവം മുതൽ അന്തർധാനം വരെ എന്ന വിഷയത്തിൽഡോ.എം.എം.ബഷീർ പ്രഭാഷണം നടത്തും. രാവിലെ 8.30 ന് ഗുരുക്ഷേത്രത്തിൽ വിശ്വശാന്തിഹവനം, ഗുരുപൂജ, ഗുരുപുഷ്പാഞ്ജലി, ശാരദപൂജ എന്നിവ നടക്കും. രാത്രി 9 ന് വിവിധ കലാപരിപാടികൾ . കുടുംബജീവിതവും ആരോഗ്യവും ഗുരുദേവ ദർശനത്തിലൂടെ എന്ന വിഷയത്തിൽ ഡോ.ധന്വന്തരൻ വൈദ്യൻ ഇടുക്കി ഇന്നലെ പ്രഭാഷണം നടത്തി.
എസ്.എൻ.ഡി.പി.യോഗം ചെങ്ങന്നൂർ യൂണിയനിലെ മുഴുവൻ ശാഖകളിലും ശ്രീനാരായണ കൺവെൻഷൻ നടത്തുക എന്ന ലക്ഷ്യത്തോടെയുള്ള 15 -ാമത് കൺവെൻഷനാണിത്. 1826 പെണ്ണുക്കര, 1848 തുരുത്തിമേൽ, 1266 ചെറിയനാട്, 1326 കാരയ്ക്കാട് തെക്ക് എന്നീ ശാഖകളുടെ ആഭിമുഖ്യത്തിലുള്ള കൺവെൻഷനുകൾ നവംബർ 25 മുതൽ ആരംഭിക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു.