റാന്നി : ഡിസംബർ 15 മുതൽ 28 വരെ റാന്നി വൈക്കം കുത്തുകല്ലുങ്കൽ പടിക്ക് സമീപം തിരുവാഭരണപാത യിൽ നടക്കുന്ന അഖില ഭാരത അയ്യപ്പ ഭാഗവത മഹാ സത്രത്തിന്റെ പ്രചരണാർത്ഥം മുഖ്യരക്ഷാധികാരി ചലച്ചിത്ര നടൻ സുരേഷ് ഗോപി ഇന്നലെ റാന്നി താലൂക്കിലെ വിവിധ സ്ഥലങ്ങളിൽ അയ്യപ്പ ഭക്ത സംഗമത്തിൽ പങ്കെടുത്തു. ളാഹ മഞ്ഞത്തോട് വനവാസി കോളനി, അട്ടത്തോട് ഗിരിജൻ കോളനി, ചിറ്റാർ പാമ്പിനി ഗിരിജൻ കോളനി, റാന്നി,കോട്ടാങ്ങൽ എന്നിവടങ്ങളിലാണ് അദ്ദേഹം എത്തിയത്.. ളാഹ മഞ്ഞത്തോട്ടിൽ താമസിക്കുന്ന വനവാസികളെയും അട്ടത്തോട്ട് ഗിരിജൻ കോളനി നിവാസികളെയും കണ്ടു. ശേഷം ചിറ്റാർ പാമ്പിനി ഗിരിജൻ കോളനിയിലെത്തി. വാർഡ് മെമ്പർമാരായ അരുൺ അനിരുദ്ധൻ, മഞ്ജു പ്രമോദ്, ജയശ്രീ എന്നിവരും ഭക്ത സംഗമത്തിൽ പങ്കെടുത്തു.അയ്യപ്പ സത്രം സംഘാടക സമിതി ജനറൽ കൺവീനർ എസ്.അജിത്കുമാർ നെടുംപ്രയാർ, പ്രസിഡന്റ് പ്രസാദ് കുഴികാല, പ്രോഗ്രാം കോ​ഓർഡിനേറ്റർ ഗോപൻ ചെന്നിത്തല, അയ്യപ്പ ധർമ സേവാ സമിതി പ്രസിഡന്റ് ബിജു കുമാർ കുട്ടപ്പൻ, ബിനു കരുണൻ, സാബു പി, രാധാ കൃഷ്ണൻ, ഗോപൻ മൂക്കന്നൂർ, പ്രസാദ് മൂക്കന്നൂർ, രാധാകൃഷ്ണൻ നായർ പെരുമ്പെട്ടി, മോഹന ചന്ദ്രൻ നായർ കാട്ടൂർ, മനോജ് കോഴഞ്ചേരി, സുനിൽ കോട്ടങ്ങൽ, ഷിബു ലാൽ തുടങ്ങിയവർ ഒപ്പമുണ്ടായിരുന്നു.