കൊല്ലം:പ്രശസ്തമായ അഷ്ടമുടി വീരഭദ്രസ്വാമി ക്ഷേത്രിത്തിലെ ഉരുൾനേർച്ചയ്ക്ക് തുടക്കമായി.
ഉരുൾ ഉത്സവത്തോടനുബന്ധിച്ച് ഇന്ന് വൈകിട്ട് നാലരയ്ക്ക് നടക്കുന്ന അവാർഡ് ദാന-അനുമോദന സമ്മേളനം എൻ.കെ.പ്രേമചന്ദ്രൻ എം.പി. ഉദ്ഘാടനം ചെയ്യും ദേവസ്വം വർക്കിംഗ് പ്രസിഡന്റ് മങ്ങാട് സുബിൻ നാരായൺ അദ്ധ്യക്ഷനാകും. എസ്.എസ്.എൽ.സി. പരീക്ഷയിൽ മികച്ച വിജയം നേടിയ വിദ്യാർത്ഥികൾക്കിള്ള ഉപഹാരം ചാത്തന്നൂർ പോലീസ് അസിസ്റ്റന്റ് കമ്മീഷണർ ബി.ഗോപകുമാർ വിതരണം ചെയ്യും. ഡോ.പള്ളിയ്ക്കൽ സുനിൽ അനുഗ്രഹ പ്രഭാഷണം നടത്തും. ഡോ.സി.അനിതാശങ്കർ മുഖ്യപ്രഭാഷണം നടത്തും. അഞ്ചാലുംമൂട് പോലീസ് സ്റ്റേഷൻ ഹൗസ് ഓഫീസർ സി.ദേവരാജൻ,ലാൽകുമാർ, ജി.രാധാകൃഷ്ണബാബു, എസ്.ശ്രീനിവാസൻ, എസ്. പൂർണേന്ദു എന്നിവരെ ആദരിക്കും. ഉത്സവ സമാപന ദിവസമായ നാളെ രാവിലെ 9ന് നടക്കുന്ന സാസ്‌കാരിക സമ്മേളനം എം. മുകേഷ് എം.എൽ.എ ഉദ്ഘാടനം ചെയ്യും.ദേവസ്വം വർക്കിംഗ് പ്രസിഡന്റ് ജി.ഗിരീഷ് കുമാർ അദ്ധ്യക്ഷനാകും. ചെട്ടമേളത്തോടെ ഉരുൾ ഉത്സവം സമാപിക്കും.
.