ആയൂർ: ചടയമംഗലത്ത് പതിനാലുകാരിയെ പീഡിപ്പിച്ച അമ്മയുടെ സുഹൃത്ത് പിടിയിൽ.

കടയ്ക്കൽ ആൽത്തറമൂട് ആശ ഭവനിൽ മുരുകനാണ് പിടിയിലായത്. ചടയമംഗലം സ്വദേശിനിയായ പെൺകുട്ടിയെ ഡ്രൈവിംഗ് പഠിപ്പിക്കുന്നതിന്റെ മറവിലാണ് ലൈംഗികമായി പീഡിപ്പിച്ചത്. പെൺകുട്ടിയുടെ അമ്മയുടെ സുഹൃത്തായ മുരുകൻ പെൺകുട്ടിയുമായി വാഹനത്തിൽ കറങ്ങുന്നത് ശ്രദ്ധയിൽപ്പെട്ട നാട്ടുകാരാണ് കുട്ടിയുടെ ബന്ധുകളെ വിവരം അറിയിച്ചത്. തുടർന്ന് നടത്തിയ അന്വേഷണത്തിലാണ് പീഡന വിവരം പുറത്തറിയുന്നത്. കുട്ടിയുടെ ബന്ധുകൾ നല്കിയ പരാതിയിൽ കേസെടുത്ത ചടയമംഗലം പൊലീസ് പ്രതിയെ അറസ്റ്റ് ചെയ്ത് പോക്സോ ഉൾപ്പടെയുള്ള വകുപ്പ് ചുമത്തി. കോടതിയിൽ ഹാജരാക്കി റിമാൻഡ് ചെയ്തു.