ച​വ​റ : ദേ​ശീ​യ​പാ​ത​യിൽ നീ​ണ്ട​ക​ര​യിൽ കാ​റു​കൾ കൂ​ട്ടി​യി​ടി​ച്ച് 7​പേർ​ക്ക് പ​രി​ക്കേ​റ്റു. കാ​റിലുണ്ടായിരുന്ന ഓ​ച്ചി​റ മേ​മ​ന മ​ഹാ​ല​ക്ഷ്​മി ​കി​ഴ​ക്ക​തിൽ മു​കേ​ഷ്, ഭാ​ര്യ ഉ​ത്ത​ര, പി​താ​വ് മു​ര​ളി, അ​മ്മ സ​ജി​നി, മു​കേ​ഷി​ന്റെ ബ​ന്ധുവ​ത്സ​ല, ക​ല്ല​മ്പ​ലം അ​ട്ട​റ​ക്കോ​ണം സ്വ​ദേ​ശി​ക​ളാ​യ ആ​സി​ഫ് മൺ​സി​ലിൽ ആ​സി​ഫ്, ജ​മീ​ല എ​ന്നി​വർ​ക്കാ​ണ് പ​രി​ക്ക് പ​റ്റി​യ​ത്. ആ​രു​ടെ​യും പ​രി​ക്ക് ഗു​രു​ത​ര​മ​ല്ല. ഇന്നലെ വൈകുന്നേരം നീ​ണ്ട​ക​ര പു​ത്തൻ​തു​റ ബേ​ക്ക​റി ജംഗ്ഷന് സ​മീ​പത്തായിരുന്നു അ​പ​ക​ടം. യാ​ത്ര​ക്കാ​രെ ക​യ​റ്റാ​നാ​യി സ്വ​കാ​ര്യ ബ​സ് നിർ​ത്തി​യിട്ടിരിക്കുകയായിരുന്നു. പി​ന്നാ​ലെ വ​ന്ന ആംബു​ലൻ​സും ബ​സി​ന് പിന്നിൽ നിർ​ത്തി. ഈ സ​മ​യം കൊ​ല്ല​ത്ത് നി​ന്ന് ക​രു​നാ​ഗ​പ്പ​ള്ളി​യി​ലേ​ക്ക് പോ​വു​ക​യാ​യി​രു​ന്ന ആ​സി​ഫ് ഓ​ടി​ച്ച കാർ,​ എ​തി​രെ വ​ന്ന മു​കേ​ഷി​ന്റെ കാ​റു​മാ​യി കൂ​ട്ടി​യി​ടി​ക്കു​ക​യാ​യി​രു​ന്നു. ആ​ഘാ​ത​ത്തിൽ കാ​റു​കൾ നി​യ​ന്ത്ര​ണം വി​ട്ട് ആം​ബു​ലൻ​സി​ലിടിച്ചതാണ് അ​പ​ക​ടകാരണം. ഉ​ടൻ ത​ന്നെ നാട്ടുകാർ പരിക്കേറ്റവരെ നീ​ണ്ട​ക​ര താ​ലൂ​ക്കാ​ശു​പ​ത്രി​യിലെത്തിച്ചു.