പത്തനാപുരം : എസ്.എൻ.ഡി.പി യോഗം പത്തനാപുരം യൂണിയനിലെ പട്ടാഴി മേഖലയിൽ ഉൾപ്പെടുന്ന 2224-ാം നമ്പർ കുരാ ശാഖയിലെ വാർഷിക പൊതുയോഗവും തിരഞ്ഞെടുപ്പും ശാഖ മന്ദിരത്തിൽ നടന്നു. യൂണിയൻ വൈസ് പ്രസിഡന്റ് കെ.കെ. ശശീന്ദ്രൻ അദ്ധ്യക്ഷനായി. വാർഷിക പൊതുയോഗം യൂണിയൻ സെക്രട്ടറി ബി.ബിജു ഉദ്ഘാടനം ചെയ്തു. ശാഖ സെക്രട്ടറി ആർ.സുരേന്ദ്രൻ വരവ് ചെലവ് കണക്കും റിപ്പോർട്ടും അവതരിപ്പിച്ചു. തുടർന്ന് തിരഞ്ഞെടുപ്പ് നടന്നു.
ഭാരവാഹികളായി മിനി ജയരാജ്‌ (പ്രസിഡന്റ്), എ. ഉണ്ണികൃഷ്ണൻ(വൈസ് പ്രസിഡന്റ്), ആർ. സുരേന്ദ്രൻ(സെക്രട്ടറി), സി. ആർ.സുനിൽ(യൂണിയൻ പ്രതിനിധി), എം.സുരേഷ് കുമാർ, ജി. കരുണാകരൻ, എൻ.സോമൻ, ആർ.പ്രസാദവല്ലി, ബി.എസ്.രതീഷ്, പി.സരള, ശൈല സുരേഷ് എന്നിവർ (കമ്മിറ്റി അംഗങ്ങൾ), എസ്.സരീന, രാഹുൽ രാജ് (പഞ്ചായത്ത്‌ കമ്മിറ്റി അംഗങ്ങൾ) എന്നിവരെ തിരഞ്ഞെടുത്തു. യോഗം ഡയറക്ടർ ബോർഡ്‌ അംഗം പിറവന്തൂർ ഗോപാലകൃഷ്ണൻ, യൂണിയൻ കൗൺസിലർ ജി.ആനന്ദൻ, യൂണിയൻ കൗൺസിലറും യൂത്ത്മൂവ്മെന്റ് യൂണിയൻ പ്രസിഡന്റുമായ റിജു.വി.ആമ്പാടി, യൂണിയൻ പഞ്ചായത്ത്‌ കമ്മിറ്റി അംഗം എൻ.ഡി മധു, യൂണിയൻ വനിതാസംഘം പ്രസിഡന്റ് സുലത പ്രകാശ്, സൈബർ സേന കേന്ദ്രസമിതി ജോയിന്റ് കൺവീനറും യൂത്ത്മൂവ് മെന്റ് യൂണിയൻ സെക്രട്ടറിയുമായ ബിനു സുരേന്ദ്രൻ എന്നിവർ സംസാരിച്ചു.
ശാഖ പ്രസിഡന്റ് മിനിജയരാജ് സ്വാഗതവും വൈസ് പ്രസിഡന്റ് എ. ഉണ്ണികൃഷ്ണൻ നന്ദിയും പറഞ്ഞു