കൊല്ലം: നിര​വധി ക്രിമി​നൽ കേസു​ക​ളിൽ പ്രതി​യായ കൊടും​കുറ്റ​വാളിയെ കാപ്പ നിയമ പ്രകാരം അറസ്റ്റ് ചെയ്ത് കരു​തൽ തടങ്കലിലാക്കി. കൊല്ലം വടക്കേവിള വില്ലേജിൽ പഞ്ചായത്തുവിള ചരുവിള വീട്ടിൽ സുധിനാണ് (അച്ചു, 25) അറസ്റ്റിലായത്.

ജില്ലാ കളക്ടർ പുറപ്പെടുവിച്ച ഉത്തരവിന്റെ അടിസ്ഥാനത്തിലാണ് ഇരവിപുരം പൊലീ​സ് നടപടി സ്വീകരിച്ചത്. 2019 മുതൽ ഇരവിപുരം, കുണ്ടറ പൊലീസ് സ്റ്റേഷ​നു​ക​ളിൽ അഞ്ചോളം ക്രിമിനൽ കേസു​ക​ളിൽ പ്രതി​യാണ്. കൊല്ലം എ.സി.പി എ.അഭിലാഷിന്റെ നിർദ്ദേശ പ്രകാരം ഇരവിപുരം ഇൻ​സ്‌പെ​ക്ടർ അജിത്ത് കുമാറിന്റെ നേതൃ​ത്വത്തിലുള്ള പൊലീസാണ് അറസ്റ്റ് ചെയ്തത്.