അഞ്ചൽ: സി.കേശവൻ സ്മാരക സമിതി സിൽവർ ജൂബിലി ആഘോഷങ്ങളുടെ ഉദ്ഘാടനത്തോടനുബന്ധിച്ച് വിദ്യാഭ്യാസ -ആരോഗ്യ മേഖലകളിൽ അരനൂറ്റാണ്ടോളമായി സുസ്ത്യർഹമായ സേവനം നടത്തിവരുന്ന സമിതി ഭാരവാഹികൂടിയായ ശബരിഗിരി ഗ്രൂപ്പ് ചെയർമാൻ ഡോ.വി.കെ.ജയകുമാറിനെ ആദരിക്കുന്നു. ഇതോടനുബന്ധിച്ച് നവംബർ 6ന് ശബരിഗിരി സ്കൂൾ ഓഡിറ്റോറിയത്തിൽ നടക്കുന്ന ചടങ്ങിൽ സമിതി രക്ഷാധികാരിയും മുൻ മന്ത്രിയുമായ അഡ്വ.കെ.രാജു അദ്ധ്യക്ഷനാകും. സമ്മേളന ഉദ്ഘാടനവും ഡോ.വി.കെ.ജയകുമാറിന് ഉപഹാര സമർപ്പണവും എൻ.കെ.പ്രേമചന്ദ്രൻ എം.പി നിർവഹിക്കും. ഡോ. കെ.വി.തോമസ് കുട്ടി ആമുഖ പ്രസംഗം നടത്തും. ഗാന്ധിഭവൻ ഡയറക്ടർ ഡോ.പുനലൂർ സോമരാജൻ മുഖ്യപ്രഭാഷണവും പൊന്നാട അണിയിക്കലും നിർവഹിക്കും. അ‌ഞ്ചൽ സെന്റ് ജോൺസ് സ്കൂൾ ലോക്കൽ മാനേജർ ഫാ.ബോവസ് മാത്യു അനുഗ്രഹ പ്രഭാഷണവും ഏരൂർ ഗ്രാമപ‌ഞ്ചായത്ത് പ്രസിഡന്റ് ടി.അജയൻ മുഖ്യ പ്രസംഗവും നടത്തും. ലയൺസ് മുൻ ഡിസ്ട്രിക്ട ഗവർണർ അഡ്വ.ജി.സുരേന്ദ്രൻ, കേരളാ യൂണിവേഴ്സിറ്റി സിൻഡിക്കേറ്റ് മെമ്പർ രഞ്ജു സുരേഷ്, എസ്.എൻ ട്രസ്റ്റ് ബോർഡ് മെമ്പറും രചന ഗ്രാനൈറ്റ്സ് എം.ഡിയുമായ കെ.യശോധരൻ, സി.പി.ഐ സംസ്ഥാന കൗൺസിൽ അംഗം അഡ്വ. ആർ. സജിലാൽ, കൊട്ടാരക്കര താലൂക്ക് ലൈബ്രറി കൗൺസിൽ പ്രസിഡന്റ് ജെ.സി.അനിൽ, എസ്.എൻ.ഡി.പി യോഗം പുനലൂർ യൂണിയൻ വൈസ് പ്രസിഡന്റ് എ.ജെ.പ്രതീപ്, സ്റ്റേറ്റ് പ്ലാനിംഗ് ബോർഡ് റിട്ട. അഡിഷണൽ ഡയറക്ടർ കെ.നടരാജൻ, അഞ്ചൽ ബ്ലോക്ക് പഞ്ചായത്ത് മെമ്പർ എ.സക്കീ‌ർ ഹുസൈൻ, അഞ്ചൽ സെന്റ് ജോർജ്ജ് സെൻട്രൽ സ്കൂൾ പ്രിൻസിപ്പൽ ലീനാ അലക്സ് , കെ.പി.ബി.എ സംസ്ഥാന വൈസ് പ്രസിഡന്റ് അശോകൻ കുരുവിക്കോണം, രാജേന്ദ്രൻ സ്വാമി അഞ്ചൽ, ലയൺസ് ഡിസ്ട്രിക്ട് ചെയർപേഴ്സൺ കെ.എസ്.ജയറാം, ആർച്ചൽ സോമൻ, ഫസിലുദ്ദീൻ അൽ അമാൻ, ആയൂർ ഗോപിനാഥ്, എക്സ്.സർവീസ് ലീഗ് അഞ്ചൽ യൂണിറ്റ് പ്രസിഡന്റ് പി.അരവിന്ദൻ, അഞ്ചൽ പ്രസ് ക്ലബ് സെക്രട്ടറി എൻ.കെ. ബാലചന്ദ്രൻ, പു.ക.സ താലൂക്ക് കമ്മിറ്റി മെമ്പർ ബി.മുരളി, അഞ്ചൽ ജഗദീശൻ എന്നിവർ സംസാരിക്കും. സമിതി പ്രസിഡന്റ് അനീഷ് കെ.അയിലറ സ്വാഗതവും അഞ്ചൽ ഗോപൻ നന്ദിയും പറയും.