തഴവ: കുലശേഖരപുരം പുതിയകാവിന് സമീപം പുന്നക്കുളത്ത് ഒഴിഞ്ഞുകിടന്ന പുരയിടത്തിൽ ഒളിപ്പിച്ച നിലയിൽ സൂക്ഷിച്ചിരുന്ന 8 ലക്ഷം രൂപയുടെ പുകയില ഉത്പന്നങ്ങൾ കരുനാഗപ്പള്ളി എക്സൈസ് പിടികൂടി.

എക്സൈസ് സർക്കിൾ ഇൻസ്പെക്ടർ പി.ശിവപ്രസാദിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ റെയ്ഡിലാണ് പുകയില ഉത്പന്നങ്ങൾ പിടികൂടിയത്. 22 ചാക്കുകളിലായി 14000 പാക്കറ്റ് പാൻ മസാലയാണ് പിടിച്ചെടുത്തത്. ഉടമയെ കുറിച്ച് വിവരം ലഭിച്ചിട്ടുണ്ട്. റെയ്‌ഡിൽ പ്രിവന്റീവ് ഓഫീസർമാരായ പി.എ.അജയകുമാർ, എ.അജിത്ത് കുമാർ, കെ.അംബികേശൻ സിവിൽ എക്സൈസ് ഓഫീസർമാരായ സന്തോഷ്, അനിൽ കുമാർ എന്നിവർ പങ്കെടുത്തു.