കരുനാഗപ്പള്ളി: ആർ.ശങ്കർ അനുസ്മരണവും ശിവഗിരി തീർത്ഥാടനവും വിജയിപ്പിക്കാനുള്ള എസ്.എൻ.ഡി.പി യോഗം കരുനാഗപ്പള്ളി യൂണിയന്റെ തീരുമാനം താഴെത്തട്ടിൽ എത്തിക്കുന്നതിന്റെ ഭാഗമായി കരുനാഗപ്പള്ളി മുൻസിപ്പൽ പ്രവർത്തക കൺവെൻഷൻ സംഘടിപ്പിച്ചു. യൂണിയൻ ഓഡിറ്റോറിയത്തിൽ നടന്ന കൺവെൻഷനിൽ യൂണിയൻ വൈസ് പ്രസിഡന്റ് എസ്.ശോഭനൻ അദ്ധ്യക്ഷനായി. യൂണിയൻ പ്രസിഡന്റ് കെ.സുശീലൻ ഉദ്ഘാടനം ചെയ്തു. യൂണിയൻ സെക്രട്ടറി എ.സോമരാജൻ മുഖ്യ പ്രഭാഷണം നടത്തി. യോഗം ബോർഡ് മെമ്പർമാരായ കെ.പി.രാജൻ, കെ.ജെ.പ്രസേനൻ, കെ.ആർ.വിദ്യാധരൻ, യൂണിയൻ കൗൺസിൽ അംഗങ്ങളായ ക്ലാപ്പന ഷിബു, ടി.ഡി.ശരത്ചന്ദ്രൻ, വി.എം.വിനോദ് കുമാർ, കെ.ബി.ശ്രീകുമാർ, അനിൽ ബാലകൃഷ്ണൻ, ബിജു രവീന്ദ്രൻ, രാജൻ കാരമൂട്ടിൽ, യൂണിയൻ കൗൺസിൽ മുൻ അംഗം എസ്.സലിംകുമാർ, വനിതാ സംഘം നേതാക്കളായ അംബികാദേവി, മധുകുമാരി, യൂത്ത്മൂവ്മെന്റ് പ്രസിഡന്റ് സിബു നീലികുളം എന്നിവർ പ്രസംഗിച്ചു.