പരവൂർ: കോൺഗ്രസ് നേതാവും കയർ കോർപ്പറേഷൻ മുൻ ചെയർമാനും പരവൂർ ഐ.ടി.സി സ്ഥാപക ഡയറക്ടറുമായിരുന്ന അഡ്വ. ജി.ശിവരാജ പിള്ളയുടെ ഇരുപതാം ചരമവാർഷിക ദിനാചരണത്തിൽ പരവൂർ നോർത്ത് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ അനുസ്മരണം സമ്മേളനം നടന്നു. കെ.പി.സി.സി മുൻ വൈസ് പ്രസിഡന്റ് ഡോ.ശൂരനാട് രാജശേഖരൻ അനുസ്മരണം സമ്മേളനം ഉദ്ഘാടനം ചെയ്തു. മണ്ഡലം പ്രസിഡന്റ് പരവൂർ മോഹൻദാസ് അദ്ധ്യക്ഷത വഹിച്ച യോഗത്തിൽ കെ.പി.സി.സി അംഗം നെടുംങ്ങോലം രഘു, പരവൂർ രമണൻ, പരവൂർ സജീബ്, തെക്കുംഭാഗം ഹാഷിം, സുരേഷ് ഉണ്ണിത്താൻ, രഞ്ജിത്ത് പരവൂർ, അഡ്വ.അജിത്ത്, അഡ്വ. ലതാ മോഹൻദാസ്, സുലോചന, പഠിപ്പുര വിജയൻ എന്നിവർ സംസാരിച്ചു.