കൊല്ലം: ഇലക്ട്രിസിറ്റി പെൻഷണേഴ്സ് വെൽഫയർ അസോസിയേഷൻ ജില്ലാ യോഗം 30ന് രാവിലെ 10.30 ന് കൊല്ലം ശങ്കേഴ്സ് ആശുപത്രിക്ക് സമീപമുള്ള അസോസിയേഷൻ ഓഫീസിൽ നടക്കും. സംസ്ഥാന ചെയർമാൻ കെ. രാധാകൃഷ്ണൻ ഉദ്ഘാടനം ചെയ്യുമെന്ന് ജില്ലാ സെക്രട്ടറി എം.യൂസഫ് കുഞ്ഞ് അറിയിച്ചു. ജില്ലാ പ്രസിഡന്റ് കെ.പ്രഭാകരൻ നായർ അദ്ധ്യക്ഷനാകും. വർക്കിംഗ് പ്രസിഡന്റ് കെ.ശശിധരൻ പിള്ള, സംസ്ഥാന സെക്രട്ടറിമാരായ ഇ.ജി.രാജൻ, എൻ. കേശവ പെരുമാൾ, എൻ.കെ.മുഹമ്മദ് ഉസാമത്, കേന്ദ്ര കമ്മിറ്റി അംഗം എസ്.കെ.യാശോധരൻ തുടങ്ങിയവർ സംസാരിക്കും.