ആറാട്ടുപുഴ: ആറാട്ടുപുഴ ക്ഷേത്രത്തിൽ എഴുത്തിനിരുത്തൽ നടന്നു. ആറാട്ടുപുഴ വാരിയത്ത് സന്തോഷ് വാരിയർ എഴുത്തിനിരുത്തലിന് നേതൃത്വം നൽകി. മുൻ വശത്തെ വിളക്കുമാടത്തറയിൽ സമൂഹ അക്ഷര പൂജയും ഉണ്ടായിരുന്നു. വിളക്കുമാടത്തറയിലെ പഞ്ചാര മണലിൽ ആദ്യക്ഷര പുണ്യ സ്മരണയിൽ പ്രായഭേദമന്യേ നൂറുകണക്കിന് ഭക്തർ ഒരുമിച്ചു ചേർന്നു അക്ഷരമാല എഴുതി. സമൂഹ അക്ഷരപൂജയും ഉണ്ടായിരുന്നു. സരസ്വതിപൂജയ്ക്ക് സമർപ്പിച്ച ഗ്രന്ഥങ്ങളും പുസ്തകങ്ങളും ക്ഷേത്രത്തിലെ ഉച്ചപൂജയ്ക്ക് ശേഷം ഭക്തർ ഏറ്റുവാങ്ങി. ശാസ്താവിന് സമർപ്പിച്ച ഇരുന്നൂറോളം കാഴ്ചക്കുലകൾ ഭക്തർക്ക് പ്രസാദമായി നൽകി. ആറാട്ടുപുഴ രാജേഷും സംഘവും അവതരിപ്പിച്ച സംഗീതാർച്ചനയും ഉണ്ടായിരുന്നു.