ഗുരുവായൂർ : ഗുരുവായൂർ നഗരസഭ മുൻ വൈസ് ചെയർമാനും സി.പി.ഐ നേതാവുമായ കെ.എ.ജേക്കബിന്റെ നിര്യാണത്തിൽ സർവകക്ഷി യോഗം അനുശോചിച്ചു. ഗുരുവായൂർ കിഴക്കേ നടയിലെ ഇ.എം.എസ് ചത്വരത്തിൽ നടന്ന അനുസ്മരണ യോഗത്തിൽ നഗരസഭ ചെയർമാൻ എം.കൃഷ്ണദാസ് അദ്ധ്യക്ഷനായി. എൻ.കെ.അക്ബർ എം.എൽ.എ, മുൻ എം.എൽ.എമാരായ കെ.വി.അബ്ദുൾ ഖാദർ, ഗീത ഗോപി , നഗരസഭ വൈസ് ചെയർപേഴ്‌സൺ അനീഷ്മ ഷനോജ്, സി.പി.ഐ ജില്ലാ കമ്മിറ്റി അംഗം സുബ്രഹ്മണ്യൻ, വിവിധ സംഘടനാ പ്രതിനിധികളായ മുഹമ്മദ് ബഷീർ, കെ.പി.ഉദയൻ , ടി.വി.വാസുദേവൻ, ഇ.പി.സുരേഷ് കുമാർ , ടി.ടി.ശിവദാസ് , പി.കെ.സെയ്താലി കുട്ടി, പി.ഐ.സൈമൺ മാസ്റ്റർ, കെ.എ.മോഹൻദാസ്, ടി.എൻ.മുരളി, പി.ഐ.ആന്റോ, പി.കെ.രാജേഷ് ബാബു, മായാമോഹനൻ, പി.എ.സജീവൻ തുടങ്ങിയവർ സംസാരിച്ചു.