തിരുവില്വാമല: ഒരലാശ്ശേരിയിൽ തീപ്പൊള്ളലേറ്റ് ഗൃഹനാഥനടക്കം നാലുപേർ മരിച്ച ചോലക്കോട്ടെ വീട് മന്ത്രി കെ. രാധാകൃഷ്ണൻ സന്ദർശിച്ചു. രാധാകൃഷ്ണൻ, ഭാര്യ ശാന്തിനി, മക്കളായ കാർത്തികേയൻ, രാഹുൽ എന്നിവരടങ്ങുന്ന കുടുംബമാണ് തീപ്പൊള്ളലേറ്റ് മരിച്ചത്. രാധാകൃഷ്ണന്റെ സഹോദരൻ അയ്യപ്പനാണ് വീട്ടിലുണ്ടായിരുന്നത്. മന്ത്രിയോടൊപ്പം ജില്ലാ പഞ്ചായത്തംഗം ദീപ എസ്. നായർ, പഞ്ചായത്ത് വൈസ് പ്രസിഡന്റ് എം. ഉദയൻ, വാർഡ് മെമ്പർ കെ.പി. ഉമാശങ്കർ, കെ.ആർ. മനോജ്കുമാർ എന്നിവരും ഉണ്ടായിരുന്നു. അന്വേഷണം തൃപ്തികരമല്ലങ്കിൽ ഉന്നതതല അന്വേഷണം നടത്തുമെന്ന് മന്ത്രി പറഞ്ഞു.