കൊടുങ്ങല്ലൂർ: സി.ഐ.ടി.യു ജില്ലാ സമ്മേളനത്തിന്റെ ഒരുക്കങ്ങൾ പൂർത്തിയായി. 29, 30, 31 തീയതികളിലാണ് സമ്മേളനം. 29ന് രാവിലെ 9.30ന് കൊടുങ്ങല്ലൂർ ടൗൺ ഹാളിൽ സംസ്ഥാന പ്രസിഡന്റ് ആനത്തലവട്ടം ആനന്ദൻ ഉദ്ഘാടനം ചെയ്യും. സമ്മേളനത്തിൽ 129 ട്രേഡ് യൂണിയനുകളെ പ്രതിനിധീകരിച്ച് 100 വനിതകളടക്കം 400 പ്രതിനിധികൾ പങ്കെടുക്കും. 31ന് വൈകിട്ട് നാലിന് 15,000 തൊഴിലാളികൾ പങ്കെടുക്കുന്ന റാലി ആരംഭിക്കും. കുഞ്ഞിക്കുട്ടൻ തമ്പുരാൻ ചത്വരത്തിൽ ചേരുന്ന പൊതുസമ്മേളനം മന്ത്രി വി.എൻ. വാസവൻ ഉദ്ഘാടനം ചെയ്യും. പൊതുസമ്മേളന നഗരിയിൽ ഉയർത്താനുള്ള കൊടിമര ജാഥയുടെ ഉദ്ഘാടനം 27ന് വൈകിട്ട് അഞ്ചിന് മാളയിൽ എൻ.കെ. വാസു സ്മൃതി മണ്ഡപത്തിൽ സി.ഐ.ടി.യു കേന്ദ്ര ജനറൽ കൗൺസിൽ അംഗം എം.എം. വർഗീസ് ഉദ്ഘാടനം ചെയ്യും. പതാക ജാഥ 28ന് രാവിലെ ഒമ്പതിന് പെരിഞ്ഞനത്ത് വി.കെ. ഗോപാലൻ സ്മൃതി മണ്ഡപത്തിൽ സി.ഐ.ടി.യു സംസ്ഥാന വൈസ് പ്രസിഡന്റ് എം.കെ. കണ്ണൻ ഉദ്ഘാടനം ചെയ്യും. ജാഥകൾ വൈകിട്ട് അഞ്ചിന് പൊതുസമ്മേളന വേദിയായ കുഞ്ഞിക്കുട്ടൻ തമ്പുരാൻ സ്‌ക്വയറിൽ സംഗമിക്കും. തുടർന്ന് സ്വാഗത സംഘം ചെയർമാൻ പി.കെ. ചന്ദ്രശേഖരൻ പതാക ഉയർത്തും.