വെള്ളാങ്ങല്ലൂർ: മനയ്ക്കലപ്പടി മാസ് ക്ലബിന്റെ നാൽപ്പതാം പിറന്നാളാഘോഷം സംഘടിപ്പിച്ചു. ആഘോഷത്തിന്റെ ഭാഗമായി ആദരിക്കൽ, ഗാന്ധി സ്മൃതി, സ്‌നേഹ സംഗമ സന്ധ്യ, ഫുട്‌ബാൾ മേള, പ്രണയലേഖന മത്സരം, സാഹിത്യ മത്സരങ്ങൾ, കലാപരിപാടികൾ, സാംസ്‌കാരിക സമ്മേളനം എന്നിവ നടന്നു. ആരോഗ്യ രംഗത്തെ പ്രവർത്തനം പരിഗണിച്ച് വെള്ളാങ്ങല്ലൂർ പ്രാഥമികാരോഗ്യ കേന്ദ്രത്തിലെ ആരോഗ്യ പ്രവർത്തക ഫ്രില്ലി വർഗീസിന് സുഭദ്ര വി. നായർ സ്മാരക പുരസ്‌കാരം സമ്മാനിച്ചു. സാംസ്‌കാരിക സമ്മേളനം വെള്ളാങ്ങല്ലൂർ പഞ്ചായത്ത് പ്രസിഡന്റ് എം.എം. മുകേഷ് ഉദ്ഘാടനം ചെയ്തു. മുൻ കൊച്ചിൻ ദേവസ്വം ബോർഡ് പ്രസിഡന്റ് എ.ബി. മോഹനൻ അദ്ധ്യക്ഷനായി. പഞ്ചായത്തംഗം കെ. കൃഷ്ണകുമാർ, എം.കെ. മോഹനൻ, ഹരിലാൽ മനയ്ക്കലപ്പടി, ശോഭന ജി. പണിക്കർ തുടങ്ങിയവർ പ്രസംഗിച്ചു.