വടക്കാഞ്ചേരി: അഖിലേന്ത്യാ കിസാൻസഭയുടെ ദേശീയ സമ്മേളനത്തിന് മുന്നോടിയായി അഖിലേന്ത്യ കിസാൻസഭ വടക്കാഞ്ചേരി ഏരിയ കമ്മിറ്റിയുടെ നേതൃത്വത്തിൽ പച്ചക്കറിത്തൈ നടീൽ സംഘടിപ്പിച്ചു. പാർളിക്കാട് വച്ച് കർഷകസംഘം സംസ്ഥാന ജോയിന്റ് സെക്രട്ടറി എ.സി. മൊയ്തീൻ എം.എൽ.എ കോളിഫ്‌ളവർ തൈ നട്ടുകൊണ്ട് പരിപാടി ഉദ്ഘാടനം ചെയ്തു. കർഷകസംഘം വടക്കാഞ്ചേരി ഏരിയ സെക്രട്ടറി എം.ആർ. അനുപ് കിഷോർ അദ്ധ്യക്ഷത വഹിച്ചു. തെക്കുംകര പഞ്ചായത്ത് പ്രസിഡന്റും കർഷകസംഘം ഭാരവാഹിയുമായ ടി.വി. സുനിൽകുമാർ, പി. മോഹൻദാസ്, വി.ബി. പീതാംബരൻ, എം.എസ്. സിദ്ധൻ, പി.ആർ. അരവിന്ദാക്ഷൻ, ഉമാലക്ഷ്മി, ബി. ഷിറാസ്, എം. വേണുഗോപാൽ എന്നിവർ സംസാരിച്ചു. ശീതകാല പച്ചക്കറിയിനങ്ങളായ കാബേജ്, കോളിഫ്‌ളവർ എന്നിവയ്ക്ക് പുറമെ തക്കാളി, വെണ്ട എന്നിവയും കൃഷിയിറക്കിയിട്ടുണ്ട്. തെക്കുംകര, മണലിത്ര, എരുമപ്പെട്ടി, വേലൂർ എന്നീ മേഖലാ കമ്മിറ്റികളുടെ നേതൃത്വത്തിൽ പച്ചക്കറിക്കൃഷിക്ക് ആരംഭം കുറിച്ചു. ഡിസംബർ 13, 14, 15, 16 തീയതികളിലാണ് അഖിലേന്ത്യ കിസാൻസഭ ദേശീയ സമ്മേളനം നടക്കുക.