തൃപ്രയാർ: വയോജന ക്ഷേമസമിതിയുടെ നേതൃത്വത്തിൽ വയോജനങ്ങളെ ആദരിച്ചു. നാട്ടിക എസ്.എൻ ഹാളിൽ നടന്ന ചടങ്ങ് മൃഗസംരക്ഷണവകുപ്പ് മന്ത്രി ജെ. ചിഞ്ചുറാണി ഉദ്ഘാടനം ചെയ്തു. വയോജനങ്ങളും ഭിന്നശേഷിക്കാരും നാടിന്റെ വഴികാട്ടികളും, സമ്പത്തുമാണ് മന്ത്രി പറഞ്ഞു. അവരെ സാന്ത്വനസ്പർശം നൽകി ചേർത്തുനിറുത്തുന്ന മഹനീയമായ ചുമതല വഹിക്കുന്ന മണപ്പുറം വയോജനക്ഷേമസമിതി ചാരിറ്റബിൾ സൊസൈറ്റിയുടെ പ്രവർത്തനങ്ങൾ മാതൃകാപരമാണെന്നും മന്ത്രി അഭിപ്രായപ്പെട്ടു.

നാട്ടിക, തളിക്കുളം, വലപ്പാട് പഞ്ചായത്തുകളിലെ 150 വയോജനങ്ങൾക്ക് മണപ്പുറം ഫൗണ്ടേഷന്റെ സ്‌നേഹസമ്മാനവും പത്തോളം ഭിന്നശേഷിക്കാരായ കുട്ടികൾക്ക് വലപ്പാട് സി.പി. ട്രസ്റ്റ് നൽകിയ സാമ്പത്തിക സഹായ വിതരണവും ചടങ്ങിൽ മന്ത്രി നിർവഹിച്ചു. ചെയർമാൻ ലാൽ കച്ചില്ലം അദ്ധ്യക്ഷനായി. വലപ്പാട് സി.പി. ട്രസ്റ്റ് ചെയർമാൻ സി.പി. സാലിഹ്, മണപ്പുറം ഫൗണ്ടേഷൻ സി.ഇ.ഒ: ജോർജ് ഡി. ദാസ്, ശിൽപ്പ സെബാസ്റ്റ്യൻ, പി.കെ. സുഭാഷ് ചന്ദ്രൻ മാസ്റ്റർ, എം. സ്വർണലത, ഷീന പറയങ്ങാട്ടിൽ, ഷീല വിജയകുമാർ, കിഷോർ വാഴപ്പിള്ളി, മണി നാട്ടിക, സജിന പർവീൻ, കെ.സി. സദാനന്ദൻ, ബിജോയ് പി.എസ്, സീമ രാജൻ, ബിജോഷ് ആനന്ദൻ തുടങ്ങിയവർ സംസാരിച്ചു.