ആറ്റിങ്ങൽ: ഗാന്ധി ജയന്തി ദിനത്തിൽ സ്കൂൾപരിസരത്തെ ഉപയോഗ ശൂന്യമായ സാധനങ്ങൾ ശേഖരിച്ച് വിദ്യാർത്ഥികൾ മാതൃകയായി. ആറ്റിങ്ങൽ ബോയിസ് എച്ച്.എസ്.എസിലെ എസ്.പി.സി,​ എൻ.എസ്.എസ് വേളണ്ടിയർമാരുടെ നേതൃത്വത്തിലാണ് സ്കൂൾ പരിസര മാലിന്യം നീക്കം ചെയ്തത്. ഒടിഞ്ഞ പ്ലാസ്റ്റിക് കസേരകളും പ്ലാസ്റ്റിക് കുപ്പികളുമായിരുന്നു അധികവും. ഇവ ആക്രിക്ക് വിറ്റ തുക സ്കൂളിന് നൽകി. ഇതോടനുബന്ധിച്ച് നടന്ന ബോധവത്കരണ ക്ലാസിൽ പ്രിൻസിപ്പൽ അജിത,​ വി.എച്ച്.എസ്.സി പ്രിൻസിപ്പൽ ഹസിന,​ ഹെഡ്മാസ്റ്റർ അനിൽകുമാർ,​ പി.ടി.എ പ്രസിഡന്റ് വിജുകുമാർ,​ വൈസ് പ്രസിഡന്റ് അനിൽ ആറ്റിങ്ങൽ എന്നിവർ സംസാരിച്ചു.