പാലോട്: നന്ദിയോട് പഞ്ചായത്തിലെ പുലിയൂർ, ഓട്ടുപാലം, പയറ്റടി, പാറമുകൾ, ഭാഗങ്ങളിൽ കഞ്ചാവ്, വ്യാജമദ്യലോബി കയടക്കിയതായി പരാതി. പച്ച ക്ഷേത്രത്തിൽ നിന്നും ഓട്ടുപാലം റോഡിലും അനന്തപുരി ഫാം റോഡിലും കാലൻകാവ് റോഡിലും പയറ്റടി ബലിക്കടവിൽ നിന്നും കല്ലണ ഇലങ്കം റോഡിലും പയറ്റടിയിൽ നിന്നും കല്ലണഭാഗത്തെ ഒഴിഞ്ഞ റോഡിലുമാണ് ഇത്തരക്കാർ തമ്പടിക്കുന്നത്. മുന്തിയ ഇനം കാറുകളിലും ഇരുചക്രവാഹനങ്ങളിലും എത്തുന്ന സംഘം രാത്രിയിലും പകലും ഒരുപോലെ ഈ പ്രദേശങ്ങളിൽ തമ്പടിച്ചാണ് വില്പന നടത്തുന്നത്. കഴിഞ്ഞ ദിവസം ഇവിടെ അടി നടന്നിരുന്നു. നാട്ടുകാർ അറിയിച്ച് പൊലീസ് എത്തിയാൽ സംഘം കടന്നു കളയുകയാണ് പതിവ്. ക്ഷേത്രം മുതൽ ഓട്ടുപാലം വരെയുള്ള ഭാഗത്ത് സ്ട്രീറ്റ് ലൈറ്റ് ഇല്ലാത്തതും വനപ്രദേശവുമായതിനാൽ രാത്രി സമയം ഇവിടെയാണ് സംഘം തമ്പടിക്കുന്നത്. നിരവധി തവണ എക്സൈസിൽ നാട്ടുകാർ വിവരം അറിയിച്ചെങ്കിലും അവഗണിക്കുകയാണ് ഉണ്ടായത്. ഇതും ലഹരി മാഫിയ ഈ പ്രദേശം കയ്യടക്കാനും കാരണമായത്. അടിയന്തിരമായി പൊലീസിന്റെ ഭാഗത്തു നിന്നും നടപടി ഉണ്ടാകണമെന്നാണ് നാട്ടുകാരുടെ ആവശ്യം.