തിരുവനന്തപുരം: കവിയും ആർ.സി.സിയിലെ ടെക്‌നിക്കൽ ഓഫീസറുമായ ശാന്തന്റെ റേഡിയേഷൻ ടേബിളിലെ അനുഭവക്കുറിപ്പുകളുടെ സമാഹാരമായ യുദ്ധവും മൃത്യുഞ്ജയവും എന്ന പുസ്‌തകത്തിന്റെ പ്രകാശനം പാളയം ചന്ദ്രശേഖരൻ നായർ സ്റ്റേഡിയത്തിൽ നടന്ന ചടങ്ങിൽ എഴുത്തുകാരനും പത്രപ്രവർത്തകനുമായ പി.രവികുമാർ ഡോ.കുസുമകുമാരിക്ക് നൽകി നിർവഹിച്ചു. ഭാഷാപോഷിണി എഡിറ്റർ കെ.എം.വേണുഗോപാൽ അദ്ധ്യക്ഷത വഹിച്ചു.ഡോ.അജയപുരം ജ്യോതിഷ്‌കുമാർ പുസ്‌തക പരിചയം നടത്തി.ഡോ.കെ.എം.വേണുഗോപാൽ, ഡോ.സി.വേണുഗോപാൽ,സാബു കോട്ടുക്കൽ,പ്രദീപ് പനങ്ങാട്,കവി ശാന്തൻ എന്നിവർ സംസാരിച്ചു. ഡി.സി.ബുക്ക്‌സാണ് പുസ്‌തകത്തിന്റെ പ്രസാധകർ.