തിരുവനന്തപുരം: പട്ടം എസ്.യു.ടി ആശുപത്രിയിലെ പ്രമുഖ ഗൈനക്കോളജിസ്റ്റായിരുന്ന ഡോ.കെ.ലളിതയുടെ സ്മരണാർത്ഥം,ആശുപത്രിയിലെ ജീവനക്കാർക്കും ഷെയർ ഹോൾഡർമാർക്കും വേണ്ടി 'ഡോ.ലളിത മെമ്മോറിയൽ ആനുവൽ പ്രിവന്റീവ് ഹെൽത്ത് ചെക്കപ്പ്' സ്‌കീമിന് തുടക്കമായി. ആശുപത്രിയുടെ കോൺഫറൻസ് ഹാളിൽ ചീഫ് എക്സിക്യൂട്ടീവ് ഓഫീസർ കേണൽ രാജീവ് മണ്ണാളി ഡോക്ടറുടെ ഫോട്ടോ അനാവരണം ചെയ്തു. ഗൈനക്കോളജി വിഭാഗത്തിലെ ഡോ. പി. ലക്ഷ്മി അമ്മാൾ, ഡോ. ലളിതയുടെ മാതൃകാപരമായ സേവനങ്ങളെയും പ്രവർത്തന ശൈലികളെയും അനുസ്മരിച്ചു. ആശുപത്രിയിലെ മറ്റു ഡോക്ടർമാരും ജീവനക്കാരും ചടങ്ങിൽ പങ്കെടുത്തു.