മുടപുരം: കിഴുവിലം ഗ്രാമപഞ്ചായത്തിലെ വനിതാ കർഷക കൂട്ടായ്മയ്ക്ക് ജില്ലാ പഞ്ചായത്ത് നൽകിയ കൊയ്ത്ത് യന്ത്രത്തിന്റെയും കിഴുവിലം പാടശേഖരത്തെ കൊയ്ത്തുത്സവത്തിന്റെയും ഉദ്‌ഘാടനം ജില്ല പഞ്ചായത്ത് വൈസ് പ്രസിഡന്റ് അഡ്വ. എ. ഷൈലജ ബീഗം നിർവഹിച്ചു. 35 ലക്ഷം രൂപ വിലയുള്ള കൊയ്ത്തു യന്ത്രം ജില്ലാ പഞ്ചായത്ത് വിഹിതവും കിഴുവിലം ഗ്രാമപഞ്ചായത്തിലെ രണ്ടാം വാർഡിൽ രൂപീകരിച്ച വനിതാ കർഷക കൂട്ടായ്മയുടെ സംരംഭക വിഹിതവും ചേർത്താണ് വാങ്ങിയത്. കിഴുവിലം ഗ്രാമപഞ്ചായത്ത് പ്രസിഡന്റ് മനോന്മണി അദ്ധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് അഡ്വ. ആർ. ശ്രീകണ്ഠൻ നായർ, കിഴുവിലം ഗ്രാമപഞ്ചായത്ത് സ്ഥിരം സമിതി അദ്ധ്യക്ഷന്മാരായ ജി. ഗോപകുമാർ, സുലഭ, വിനിത, ചിറയിൻകീഴ് ബ്ലോക്ക് പഞ്ചായത്തഗം എ.എസ്. ശ്രീകണ്ഠൻ, അസിസ്റ്റന്റ് കൃഷി ഡയറക്ടർ നൗഷാദ്, കിഴുവിലം പാടശേഖരസമിതി സെക്രട്ടറി സുൽഫിക്കർ, വനിതാ കർഷക കൂട്ടായ്മ സെക്രട്ടറി ധരുണ ഉദയൻ, കൃഷി ഓഫീസർ ഹാറൂൺ എന്നിവർ പങ്കെടുത്തു.