ലഹരിമരുന്ന് കേസിൽ അറസ്റ്റിലായി വാർത്തകളിൽ ഇടം നേടിയ നടി അശ്വതി ബാബു വിവാഹിതയായി. സുഹൃത്തും കൊച്ചിയിൽ കാർ ബിസിനസ് നടത്തുന്ന നൗഫലിനെയാണ് അശ്വതി രജിസ്റ്റർ വിവാഹം ചെയ്തത്. താൻ മയക്കുമരുന്നിന് അടിമയാണെന്നും അത് ഉപേക്ഷിക്കുന്നതിന് ഡോക്ടർമാരിൽനിന്ന് ചികിത്സ തേടിയിരുന്നെന്ന് അശ്വതി വെളിപ്പെടുത്തിയിരുന്നു. പ്രണയിച്ച യുവാവിനൊപ്പം പതിനാറാം വയസിൽ കൊച്ചിയിൽ എത്തിയ താൻ ചതിക്കപ്പെട്ടെന്നും വിവാഹ വാഗ്‌ദാനം ചെയ്തു സുഹൃത്ത് ദുരുപയോഗം ചെയ്യുകയും മറ്റു ഉള്ളവർക്ക് കൈമാറി പണം സമ്പാദിച്ച വിവരവും ഇവർ തുറന്നുപറഞ്ഞിരുന്നു.

ദുബായിൽ ലഹരി മരുന്നു കേസിലും അശ്വതി ബാബു പ്രതിയായിട്ടുണ്ട്.അശ്വതിയെ വിവാഹം കഴിച്ച നൗഫലിനെ മദ്യപിച്ച് അലക്ഷ്യമായി വാഹനം ഒാടിച്ചതിന് അശ്വതിക്കൊപ്പം കഴിഞ്ഞ ജൂലായിൽ കൊച്ചിയിൽ പിടികൂടിയത് വാർത്തയായിരുന്നു.2018 ഡിസംബർ പത്തിനാണ് അശ്വതി ബാബുവിനെയും സഹായി ബിനോയി എം.ഡി.എം.എ മയക്കുമരുന്നുമായി തൃക്കാക്കര പൊലീസ് പിടികൂടിയത്.