കിളിമാനൂർ:ദേശീയ തപാൽ ദിനത്തോടനുബന്ധിച്ച് നഗരൂർ ശ്രീശങ്കര വിദ്യാപീഠം സ്കൂൾ വിദ്യാർത്ഥികൾക്കായി പോസ്റ്റ് ഓഫീസ് സന്ദർശന പരിപാടി
സംഘടിപ്പിച്ചു. സോഷ്യൽ മീഡിയ, ഇന്റർനെറ്റ്‌ തുടങ്ങിയവ മാത്രം കണ്ടു പരിചയിച്ച പുത്തൻ തലമുറയിലെ കുട്ടികൾക്ക് കിളിമാനൂർ പോസ്റ്റ് ഓഫീസ് സന്ദർശനം പുത്തൻ ഉണർവാണ് നൽകിയത്. കുട്ടികളുടെ കൊച്ചു കൊച്ചു സംശയങ്ങൾക്ക് പോസ്റ്റ് മാസ്റ്റർ ഹരിഹരൻ മറുപടി നൽകി. പോസ്റ്റ് ഓഫീസിലെ ദൈനം ദിന പ്രവർത്തനങ്ങൾ ജീവനക്കാർ കുട്ടികൾക്ക് മനസിലാക്കി ക്കൊടുത്തു. മാതാപിതാക്കൾക്ക് ആശംസകളെഴുതിയ പോസ്റ്റ് കാർഡ് എല്ലാ കുട്ടികളും പോസ്റ്റ് ബോക്സിൽ നിക്ഷേപിച്ചു. ക്ലാസ് ടീച്ചർമാരായ രേഖ,സുനിത,ആശ തുടങ്ങിയവർ സന്ദർശനത്തിന് നേതൃത്വം നൽകി.