വെഞ്ഞാറമൂട്: സംസ്ഥാനതലത്തിൽ വയോജനപരിപാലന രം​ഗത്ത് ഒന്നാം സ്ഥാനം കരസ്ഥമാക്കിയ മാണിക്കൽ പഞ്ചായത്ത് 7250 ഓളം വൃദ്ധർക്ക് ജീവിതശൈലീരോ​ഗ പരിശോധനകളും മരുന്നുകളും ഇനി വീടുകളിലെത്തിക്കുന്നതിനായി പുതിയ പദ്ധതി നടപ്പാക്കാനൊരുങ്ങുന്നു. പഞ്ചായത്തും മാണിക്കൽ കുടുംബാരോ​ഗ്യകേന്ദ്രവും സംയുക്തമായി ആശാവർക്കർമാർ മുഖേനയാണ് വയോധികർക്ക് വീടുകളിൽ ആരോ​ഗ്യസേവനങ്ങളെത്തിക്കുന്നത്. മാണിക്കൽ കുടുംബാരോ​ഗ്യകേന്ദ്രത്തിൽ നടന്ന പദ്ധതിയുടെ ഉദ്ഘാടനം ഭക്ഷ്യസിവിൽ സപ്ലൈസ് മന്ത്രി ജി.ആർ.അനിൽ നിർവഹിച്ചു. പഞ്ചായത്ത് പ്രസിഡന്റ് കുതിരകുളം ജയൻ അദ്ധ്യക്ഷത വഹിച്ചു. പഞ്ചായത്ത് അം​ഗങ്ങളായ എം.അനിൽകുമാർ,കെ.സുരേഷ് കുമാർ,സഹീർറത്ത് ബീവി,സിന്ധു, ജ്യോതിലക്ഷ്മി,ബിന്ദു,സുനിത,വിജയകുമാരി,മെഡിക്കൽ ഓഫീസർ ഡോ.ആഫിന.എം.താഹന,സെക്രട്ടറി ഹരികുമാർ,വനജ കുമാരി,ഇ.എ സലിം,എം.എസ്.ശ്രീവത്സൻ തുടങ്ങിയവർ പങ്കെടുത്തു.