കാരേറ്റ്:പുളിമാത്ത് ഗ്രാമ പഞ്ചായത്തിലെ ഗവൺമെന്റ് ആയുർവേദ ഹോസ്പിറ്റലിൽ ദിവസ വേതനാടിസ്ഥാനത്തിൽ പുരുഷ പഞ്ചകർമ്മ തെറാപ്പിസ്റ്റിനെ നിയമിക്കുന്നതിനായി അപേക്ഷ ക്ഷണിച്ചു.ഡയറക്ടർ ഒഫ് എഡ്യൂക്കേഷൻ അംഗീകരിച്ച പഞ്ചകർമ്മ തെറാപ്പി കോഴ്സ് പാസായ അത്യാവശ്യ ഘട്ടങ്ങളിൽ നൈറ്റ് ഡ്യൂട്ടി എടുക്കാൻ താല്പര്യമുള്ളവരാകണം അപേക്ഷ സമർപ്പിക്കേണ്ടത്. ദിവസം 500 രൂപ വേതനം അനുവദിക്കുന്ന ഒഴിവിലേക്ക് പ്രവൃത്തി പരിചയമുള്ളവർക്ക് മുൻഗണന. യോഗ്യതയുള്ളവർ അപേക്ഷ,സർട്ടിഫിക്കറ്റുകൾ എന്നിവ സഹിതം 25ന് ഉച്ചയ്ക്ക് 2ന് മുൻപ് ഗ്രാമ പഞ്ചായത്ത് ഓഫീസിൽ നേരിട്ട് ഹാജരാകണം.