കടയ്ക്കാവൂർ: വിഴിഞ്ഞം തുറമുഖ വിരുദ്ധ സമരത്തിന്റെ ഭാഗമായി ലത്തീൻ അതിരൂപതയുടെ നേതൃത്വത്തിൽ സംയുക്ത സമര സമിതി ആഹ്വാനം ചെയ്ത റോഡ് ഉപരോധത്തിന്റെ ഭാഗമായി അഞ്ചുതെങ്ങിൽ ഹർത്താൽ പ്രതീതി.സ്വകാര്യബസുകൾ അഞ്ചുതെങ്ങ് വഴിയുള്ള സർവ്വീസ് നിർത്തിവച്ചു.ഓട്ടോ സ്റ്റാന്റുകൾ ഒഴിഞ്ഞു കിടന്നു.മുചക്ര ഇരുചക്ര വാഹനങ്ങളാണ് അവിടെ സർവ്വീസ് നടത്തിയത്.പ്രദേശങ്ങളിൽ കടകമ്പോളങ്ങൾ അടച്ചിട്ടു.മത്സ്യബന്ധനത്തിനായിആരുംകടലിൽ പോയില്ല.പെട്രോൾ പമ്പ് തുറന്നില്ല.

പ്രദേശത്ത് പലയിടങ്ങളിലും ഗതാഗതം തടസ്സപ്പെടുത്തി റോഡുകളിൽ മാർഗ്ഗതടസ്സം സൃഷ്ടിച്ചെങ്കിലും പൊലീസെത്തി തടസ്സം നീക്കിതായി റിപ്പോർട്ടുകളുണ്ട്.മീരാൻകടവ്,അഞ്ചുതെങ്ങ്,കോട്ട എന്നീ സ്ഥലങ്ങൾ കേന്ദ്രീകരിച്ച് പൊലീസ് ക്യാമ്പും ഫയർഫോർഴ്സിന്റെ ഒരു യൂണിറ്റും നിലയുറപ്പിച്ചിട്ടുണ്ട്.