തിരുവനന്തപുരം : ശ്രീസത്യസായി ബാബയുടെ ജന്മദിനാഘോഷ പരിപാടികളുടെ ഭാഗമായി ശ്രീസത്യസായി ഓർഫനേജ് ട്രസ്റ്റ് കേരള തോന്നയ്ക്കൽ സായിഗ്രാമത്തിൽ നിർദ്ധനരായ യുവതീയുവാക്കൾക്കായി സമൂഹവിവാഹം സംഘടിപ്പിക്കും.എല്ലാ മതവിഭാഗത്തിൽപ്പെട്ടവർക്കും അപേക്ഷിക്കാം. രക്ഷകർത്താക്കൾ വിവാഹം നിശ്ചയിച്ചശേഷം സാമ്പത്തിക പ്രയാസം കാരണം ബുദ്ധിമുട്ടുന്നവരെയാണ് ഇതിനായി പരിഗണിക്കുന്നത്. വധൂവരന്മാരുടെ ഫോട്ടോയും വിശദവിവരങ്ങളും അവിവാഹിതരാണെന്ന് വില്ലേജ് ഓഫീസർ സാക്ഷ്യപ്പെടുത്തിയ കത്തും ഉൾപ്പെടുത്തണം. 25വരെ അപേക്ഷിക്കാം. വിശദവിവരങ്ങൾക്ക് : 0471 - 2992611, 0471 - 2992018.