തിരുവനന്തപുരം: കല്ലുവാതുക്കൽ മദ്യ ദുരന്തക്കേസിൽ കഴിഞ്ഞ 20 വർഷമായി ജയിൽശിക്ഷ അനുഭവിക്കുന്ന മണിച്ചനെ ഉടൻ വിട്ടയയ്‌ക്കണമെന്ന സുപ്രീംകോടതി ഉത്തരവിന്റെ ആഹ്ളാദത്തിലാണ് കുടുംബം. മണിച്ചനെ മോചിപ്പിക്കാൻ സർക്കാർ തീരുമാനിച്ചെങ്കിലും പല കാരണങ്ങളാൽ തടസപ്പെട്ടതോടെ മണിച്ചന്റെ ഭാര്യ ഉഷ സുപ്രീം കോടതിയിൽ സമർപ്പിച്ച ഹർജിയിലാണ് മോചനം യാഥാർത്ഥ്യമായത്.

ഭർത്താവിന്റെ മോചനത്തിനായി ഉഷ വർഷങ്ങളായി നടത്തിയ നിയമപോരാട്ടമാണ് ഫലം കണ്ടത്. ശിക്ഷാകാലാവധി അവസാനിച്ചിട്ടും കേസിന്റെ കെടുതികൾ കുടുംബത്തിന് തീർന്നിട്ടില്ല. ചിറയിൻകീഴ് പണ്ടകശാലയ്ക്ക് സമീപത്തെ വീടും വസ്തുക്കളുമെല്ലാം ഇപ്പോഴും അറ്റാച്ച്മെന്റിലാണ്. മണിച്ചൻ പുറത്തിറങ്ങിയശേഷമേ കിടപ്പാടവും വസ്‌തുക്കളും വീണ്ടെടുക്കാനുള്ള നടപടികളെപ്പറ്റി കുടുംബത്തിന് ആലോചിക്കാനാകൂ. കേസും കുടുംബത്തിന്റെ നിത്യചെലവുകളും മക്കളുടെ പഠനവും വിവാഹവുമൊക്കെയായി ജീവിതത്തിന്റെ രണ്ടറ്റവും കൂട്ടിമുട്ടിക്കാൻ പെടാപ്പാടുപെട്ട ഉഷയ്ക്കും കുടുംബത്തിനും കുടുംബവക വസ്‌തുക്കൾ ആപത്കാലത്ത് തുണയായില്ല.

മൂത്തമകൻ പ്രവീണിന്റെ ബി.ബി.എ പഠനകാലത്താണ് മണിച്ചൻ കേസിൽ ശിക്ഷിക്കപ്പെട്ട് അകത്തായത്. അതോടെ, ബംഗളൂരുവിലെ പഠനം മതിയാക്കി പ്രവീൺ നാട്ടിലെത്തി. പത്താം ക്ളാസിൽ സഹോദരിയുടെ പഠനവും അവസാനിച്ചു. മദ്യദുരന്തക്കേസിലെ പ്രതിയുടെ മകളെന്ന പേരുദോഷം വിവാഹത്തിനും തടസമായി. ആദ്യവിവാഹം തെറ്റിപ്പിരിഞ്ഞ മകളുടെ രണ്ടാം വിവാഹത്തിനാണ് വർഷങ്ങൾക്കുശേഷം മണിച്ചൻ 15 ദിവസത്തെ പരോളിലെത്തിയത്. മക്കൾ പ്രായപൂർത്തിയാകുംവരെ ഇരട്ടക്കലുങ്കിന് സമീപത്തെ ബന്ധുവീട്ടിലാണ് ഉഷ കഴിഞ്ഞത്.

പ്രവീൺ ഇടയ്ക്ക് വിദേശത്തേക്ക് പോയെങ്കിലും പ്രയോജനമുണ്ടായില്ല. മകളുടെ വിവാഹശേഷം ജയിലിലേക്ക് മടങ്ങിയ മണിച്ചൻ കൊവിഡു കാലത്ത് രണ്ടുവർഷത്തോളം വീട്ടിലുണ്ടായിരുന്നു. നെട്ടുകാൽത്തേരി ഓപ്പൺ ജയിലിൽ അറിയപ്പെടുന്ന കർഷകനായ മണിച്ചൻ കൊവിഡുകാല പരോളിൽ വീട്ടിലും നല്ല കർഷകനായി. പരോൾ അവസാനിച്ചപ്പോഴാണ് തിരികെ മടങ്ങിയത്. ജയിലിൽ നിന്ന് മടങ്ങിയെത്തുന്ന മണിച്ചനെ ഇനിയെങ്കിലും ജീവിക്കാൻ അനുവദിക്കണമെന്ന ഏക അപേക്ഷ മാത്രമാണ് സമൂഹത്തോട് കുടുംബത്തിനുള്ളത്.

മോ​ച​ന​ത്തിൽ
സ​ന്തോ​ഷം​:​ ​ഉഷ

ചി​റ​യി​ൻ​കീ​ഴ്:​ ​ദൈ​വ​ത്തി​നും​ ​കോ​ട​തി​ക്കും​ ​ന​ന്ദി,​ 22​ ​വ​ർ​ഷം​ ​ജ​യി​ലി​ൽ​ ​ക​ഴി​ഞ്ഞ​യാ​ളി​ന് ​മോ​ച​നം​ ​കി​ട്ടി​യി​ല്ലേ..​ ​അ​തി​ന്റെ​ ​വ​ലി​യ​ ​സ​ന്തോ​ഷം..​ ​കൂ​ടു​ത​ലൊ​ന്നും​ ​ഇ​പ്പോ​ൾ​ ​പ​റ​യാ​നി​ല്ല.​ ​എ​ന്താ​യാ​ലും​ ​അ​ണ്ണ​ൻ​ ​(​മ​ണി​ച്ച​ൻ​)​ ​വ​ര​ട്ടെ.​ ​മ​ണി​ച്ച​ന്റെ​ ​മോ​ച​ന​ ​വാ​ർ​ത്ത​യെ​ക്കു​റി​ച്ച് ​ഭാ​ര്യ​ ​ഉ​ഷ​യു​ടെ​ ​പ്ര​തി​ക​ര​ണ​മാ​ണി​ത്. രാ​വി​ലെ​ ​മു​ത​ൽ​ ​കോ​ട​തി​ ​വി​ധി​ ​എ​ന്താ​കു​മെ​ന്ന​ ​ആ​കാം​ക്ഷ​യി​ലാ​യി​രു​ന്നു.​ 22​ ​വ​ർ​ഷ​ത്തെ​ ​കാ​ത്തി​രി​പ്പി​നൊ​ടു​വി​ൽ​ ​വ്യ​വ​സ്ഥ​ക​ൾ​ ​ഒ​ഴി​വാ​യി​ ​മോ​ച​നം​ ​ല​ഭി​ച്ച​തി​ൽ​ ​പൂ​ർ​ണ​ ​സ​ന്തോ​ഷ​മു​ണ്ട്.​ ​ഇ​തി​നു​വേ​ണ്ടി​ ​പ്ര​വ​ർ​ത്തി​ച്ച​ ​എ​ല്ലാ​വ​രോ​ടും​ ​ന​ന്ദി​യു​ണ്ടെ​ന്ന് ​കു​ടും​ബാം​ഗം​ ​പ​റ​ഞ്ഞു.​ ​നി​ല​വി​ൽ​ ​നെ​ട്ടു​കാ​ൽ​ത്തേ​രി​ ​തു​റ​ന്ന​ ​ജ​യി​ലി​ൽ​ ​ക​ഴി​യു​ന്ന​ ​മ​ണി​ച്ച​ന് ​കോ​ട​തി​വി​ധി​യു​ടെ​ ​ഉ​ത്ത​ര​വ് ​ജ​യി​ലി​ലെ​ത്തി​യാ​ൽ​ ​ഉ​ട​ൻ​ ​പു​റ​ത്തി​റ​ങ്ങാ​നാ​വും.​ ​മ​ണി​ച്ച​ന്റെ​ ​ഭാ​ര്യ​ ​ഉ​ഷ​ ​സ​ഹോ​ദ​രി​യാ​യ​ ​അ​മ്പി​ളി​യു​ടെ​ ​കൂ​ടെ​യാ​ണ് ​താ​മ​സം.