തിരുവനന്തപുരം:സർക്കാരിന്റെ ലഹരി വിരുദ്ധ പരിപാടിയുടെ ഭാഗമായി വൈലോപ്പിള്ളി സംസ്‌കൃതി ഭവന്റെ നേതൃത്വത്തിൽ അവതരിപ്പിക്കുന്ന 'മാവിഷയി' ലഹരി വർജ്ജന ബോധവത്കരണ നാടകം എസ്.എം.വി സ്കൂളിൽ മന്ത്രി വി.ശിവൻകുട്ടി ഉദ്ഘാടനം ചെയ്തു. മദ്യത്തിനും മയക്കുമരുന്നിനും എതിരായി ശക്തമായ അവബോധം നൽകുന്ന നാടകമാണ് 'മാവിഷയി'. എക്‌സൈസ് വകുപ്പിന്റെ ലഹരിവിരുദ്ധ ബോധവത്കരണ പരിപാടിയായ വിമുക്തിയുടെ അംഗീകാരം ലഭിച്ച നാടകം രാജീവ് ഗോപാലകൃഷ്ണന്റെ രചനയിൽ മീനമ്പലം സന്തോഷാണ് സംവിധാനം ചെയ്തത്.ചീഫ് സെക്രട്ടറി വി.പി.ജോയ്,വൈലോപ്പിള്ളി സംസ്‌കൃതി ഭവൻ വൈസ് ചെയർമാൻ ജി.എസ്.പ്രദീപ്,സംസ്‌കൃതി ഭവൻ സെക്രട്ടറി പ്രിയദർശനൻ എസ്.എം.വി സ്‌കൂൾ പ്രിൻസിപ്പൽ വി.വസന്തകുമാരി, മീനമ്പലം സന്തോഷ് എന്നിവർ പങ്കെടുത്തു.