കിളിമാനൂർ:കിളിമാനൂർ ഉപജില്ലാ ശാസ്ത്രോത്സവം കിളിമാനൂർ ഗവൺമെന്റ് ഹയർ സെക്കൻഡറി സ്കൂളിൽ പഴയകുന്നുമ്മൽ പഞ്ചായത്ത് പ്രസിഡന്റ് കെ.രാജേന്ദ്രൻ ഉദ്ഘാടനം ചെയ്തു.കിളിമാനൂർ പഞ്ചായത്ത് പ്രസിഡന്റ് ടി.ആർ.മനോജ് അദ്ധ്യക്ഷത വഹിച്ചു.എ.ഇ.ഒ വി.എസ്.പ്രദീപ് സ്വാഗതം പറഞ്ഞു.എസ്.എം.സി ചെയർമാൻ യു.എസ്.സുജിത്ത്,ബ്ലോക്ക്‌ അംഗം ഷീല,ബി.പി.സി വി.ആർ.സാബു എന്നിവർ പങ്കെടുത്തു.നാളെ വൈകിട്ട് 3ന് നടക്കുന്ന സമാപന സമ്മേളനം അടൂർ പ്രകാശ് എം.പി ഉദ്ഘാടനം ചെയ്യും.വി.ജോയി എം.എൽ.എ അദ്ധ്യക്ഷത വഹിക്കും.ബ്ലോക്ക് പഞ്ചായത്ത് പ്രസിഡന്റ് ബി.പി.മുരളി മുഖ്യ പ്രഭാഷണം നടത്തും.പഞ്ചായത്ത് പ്രസിഡന്റുമാരായ ശാന്തകുമാരി,എം.ബിജുകുമാർ,ബേബി ഹരീന്ദ്രൻ എന്നിവർ പങ്കെടുക്കും. ജില്ലാ പഞ്ചായത്തംഗം ജി.ജി.ഗിരി കൃഷ്ണൻ സമ്മാനദാനം നിർവഹിക്കും.