കിളിമാനൂർ: പഴയകുന്നുമ്മേൽ പഞ്ചായത്തിലെ മഞ്ഞപ്പാറ വാർഡിലെ ഉപതിരഞ്ഞെടുപ്പ് നവംബർ 9ന് നടക്കും. ഈ വാർഡിലെ സി.പി.എം അം​ഗം ദീപ്തിക്ക് സർക്കാർ ജോലി ലഭിച്ചതിനെ തുടർന്നാണ് വാർഡിൽ ഉപതിരഞ്ഞെടുപ്പിന് കളമൊരുങ്ങിയത്.ഇക്കുറി എൽ.ഡി.എഫ് സ്ഥാനാർത്ഥിയായി മത്സരിക്കുന്നത് എം.എസ്.ഷംനാബീ​ഗമാണ്.

എം.എസ്.ഷംനാബീ​ഗം പഞ്ചായത്തിലെത്തി അസിസ്റ്റന്റ് വരണാധികാരി മിനി മുമ്പാകെ നാമനിർദ്ദേശ പത്രിക സമർപ്പിച്ചു. സ്ഥാനാർത്ഥിക്കൊപ്പം സി.പി.എം ജില്ലാകമ്മിറ്റിയം​ഗം മടവൂർ അനിൽ,ലോക്കൽ സെക്രട്ടറി എസ്.രഘുനാഥൻ,പഞ്ചായത്ത് പ്രസിഡന്റ് കെ.രാജേന്ദ്രൻ,സി.പി.എം നേതാക്കളായ ആർ.കെ.ബൈജു,ഇ.ഷാജഹാൻ,എൻ.സരളമ്മ,എം. മൈതീൻകുഞ്ഞ്,സി.പി.ഐ നേതാക്കളായ ജി.എൽ.അജീഷ്,ശ്രീകുമാർ,കോൺ​ഗ്രസ് എസ് നേതാവ് പുഷ്പാം​ഗദൻ,ജെ.ഡി.എസ് നേതാവ് വല്ലൂർ രാജീവ് എന്നിവരും ഒപ്പമുണ്ടായിരുന്നു. കഴിഞ്ഞ തിരഞ്ഞെടുപ്പിൽ 117 വോട്ടുകൾക്കാണ് എൽ.ഡി.എഫ് സ്ഥാനാർത്ഥിയായിരുന്ന ദീപ്തി വിജയിച്ചത്.17 വാർഡുകളുള്ള പഞ്ചായത്തിലെ നിലവിലെ കക്ഷിനില സി.പി.എം 10 (നിലവിൽ 9),സി.പി,ഐ 3, കോൺ​ഗ്രസ് 4.