തിരുവനന്തപുരം : ജനകീയ വിഷയങ്ങളിൽ നേരിട്ട് ഇടപെടുന്ന പ്രാദേശിക മാദ്ധ്യമ പ്രവർത്തകർക്ക് പ്രത്യേക പരിഗണന നൽകണമെന്ന് മന്ത്രി ജി.ആർ.അനിൽ പറഞ്ഞു.'ഫെഡറലിസം: സെൻട്രൽ - സ്റ്റേറ്റ് റിലേഷൻസ് ആൻഡ് മീഡിയ' എന്ന വിഷയത്തിൽ നടന്ന ദേശീയ മാദ്ധ്യമ സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. മാദ്ധ്യമ പ്രവർത്തകർക്കായി കേരള ജേർണലിസ്റ്റ് യൂണിയൻ നടപ്പാക്കുന്ന പത്ത് ലക്ഷം രൂപയുടെ ഇൻഷ്വറൻസ് -പെൻഷൻ പദ്ധതികളുടെ ഉദ്ഘാടനവും മന്ത്രി നിർവഹിച്ചു. ഐ.ജെ.യു ദേശീയ കൗൺസിൽ അംഗം യു.വിക്രമൻ അദ്ധ്യക്ഷത വഹിച്ചു.ഐ.ജെ.യു ദേശീയ സെക്രട്ടറി ജനറൽ ബൽവീന്ദർ സിംഗ് ജമ്മു മുഖ്യ പ്രഭാഷണം നടത്തി. പ്രസ് ക്ലബ് പ്രസിഡന്റ് എം.രാധാകൃഷ്‌ണൻ,ദേശീയ കൗൺസിൽ അംഗങ്ങളായ ജി. പ്രഭാകരൻ,പി.വി.കവിതഭാമ,കെ.ജെ.യു സംസ്ഥാന വൈസ് പ്രസിഡന്റ് പി.സുരേഷ് ബാബു,ജനറൽ സെക്രട്ടറി എ.കെ.സുരേന്ദ്രൻ,സെക്രട്ടറി എം.ഷിജു,ട്രഷറർ ആർ.അജയ്‌കുമാർ,മുൻ സംസ്ഥാന പ്രസിഡന്റ് ബെന്നി വർഗീസ്,ജില്ലാ പ്രസിഡന്റ് കടവിൽ റഷീദ്,വൈസ് പ്രസിഡന്റ് ജി.സുരേഷ്‌കുമാർ,ജോയിന്റ് സെക്രട്ടറി ആർ.എൽ.മുകുന്ദൻ, പി.ആർ.രജിത,പ്രീജിഷ് നിർഭയ തുടങ്ങിയവർ സംസാരിച്ചു. എം.ജി.എം ഗ്രൂപ്പ് ചെയർമാൻ ഡോ. ഗീവർഗീസ് യോഹന്നാൻ,ജ്യോതിസ് ഗ്രൂപ്പ് ഒഫ് സ്‌കൂൾസ് ചെയർമാൻ ജ്യോതിസ് ചന്ദ്രൻ,വ്യാപാരി വ്യവസായി സമിതി ജില്ലാ പ്രസിഡന്റ് എൻ.സുധീന്ദ്രൻ, ശ്രീനാരായണ മതാതീത ആത്മീയ കേന്ദ്രം ജനറൽ സെക്രട്ടറി വാവറമ്പലം സുരേന്ദ്രൻ, യുവ ബിസിനസ് സംരംഭകരായ ജെ.സെബാസ്റ്റ്യൻ, എസ്. ജയചന്ദ്രൻ എന്നിവരെ ആദരിച്ചു.