കിളിമാനൂർ: നഗരൂർ പഞ്ചായത്തിലെ പാവൂർകോണം വാർഡിലെ കടവിള വലിയവിള പാറമുക്ക് റോഡ് ഗതാഗതസജ്ജമായി.റോഡ് നിർമ്മിച്ചിട്ട് കാലങ്ങളായെങ്കിലും കോൺക്രീറ്റിംഗ് നടത്താതിരുന്നതിനാൽ ഗതാഗതം ദുഷ്കരമായിരുന്നു.വിഷയം ശ്രദ്ധയിൽപെട്ട മുൻ എം.എൽ.എ ബി.സത്യൻ ആസ്തിവികസന ഫണ്ടിൽ നിന്ന് പതിനാലുലക്ഷം രൂപ അനുവദിച്ചു.തുടർന്ന് എം.എൽ.എ ഒ.എസ്.അംബികയുടെ ശ്രമഫലമായി വേഗത്തിൽ സാങ്കേതികാനുമതി നേടി നിർമ്മാണം പൂർത്തീകരിക്കുകയായിരുന്നു.ഉദ്ഘാടനം ഒ.എസ് .അംബിക എം.എൽ.എ നിർവ്വഹിച്ചു.പഞ്ചായത്ത് പ്രസിഡന്റ് ഡി.സ്മിത അദ്ധ്യക്ഷയായി.പഞ്ചായത്ത് വൈസ് പ്രസിഡന്റ് അബി ശ്രീരാജ് സ്വാഗതം പറഞ്ഞു.ജില്ലാ പഞ്ചായത്തംഗം ജി.ജി ഗിരികൃഷ്ണൻ,ജനപ്രതിനിധികളായ എ.എസ് വിജയലക്ഷ്മി,പി.ബി അനശ്വരി,ഉഷ,ലാലിജയകുമാർ തുടങ്ങിയവർ പങ്കെടുത്തു.