കിളിമാനൂർ: ഇരുവൃക്കകളും തകരാറിലായി ജീവിതത്തോട് മല്ലിടുന്ന ​25 വയസുള്ള യുവാവ് കനിവ് തേടുന്നു. കിളിമാനൂർ മഹാദേവേശ്വരം, ആയിരവില്ലി ജം​ഗ്ഷനിൽ നന്ദുഭവനിൽ ​ഗിരിധരാണ് വൃക്കമാറ്റിവയ്ക്കൽ ശസ്ത്രക്രിയക്കും തുടർ ചികിത്സക്കുമായി സഹായം തേടുന്നത്.​ ഗിരിധരിന്റെ അച്ഛൻ നേരത്തെ മരിച്ചു.അമ്മയും മാനസിക അസ്വാസ്ഥ്യം അനുഭവിക്കുന്ന സഹോദരിയും അനുജനും ചേരുന്നതാണ് ​ഗിരിധരിന്റെ കുടുംബം. സാമ്പത്തികമായി വളരെ പരാധീനതകളാൽ നേരിട്ടിരുന്നതാൽ പഠനം പൂർത്തീകരിക്കാതെ ​ഗിരിധർ കടകളിലും മറ്റും ജോലിചെയ്താണ് കുടുംബം പുലർത്തിയിരുന്നത്.ഇക്കഴിഞ്ഞ ഓണക്കാലത്തുണ്ടായ ബോധക്ഷയവും തുടർന്ന് മെഡിക്കൽ കോളേജിൽ നടത്തി പരിശോധനയിലുമാണ് ​ഗിരിധരിന്റെ ഇരുവൃക്കകളും 90 ശതമാനത്തിലധികം പ്രവർത്തനരഹിതമായതായി ഡോക്ടർമാർ വിധിയെഴുതിയത്.

ഡയാലിസിസിലൂടെയാണ് ഇപ്പോൾ ജീവൻ നിലനിറുത്തുന്നത്. അനുജൻ കൂലിപ്പണിക്ക് പോകുന്ന ചെറിയവരുമാനത്തിലാണ് കുടുംബം പുലരുന്നത്. കിളിമാനൂർ ഡാറ്റാടെക് ഉടമ മുരളി നൽകിയ സഹായധനം സി.പി.എം ഏരിയാ സെക്രട്ടറി തട്ടത്തുമല ജയചന്ദ്രൻ ​ഗിരിധരിന് വീട്ടിലെത്തി കൈമാറി. ഗിരിധറിന്റെ ചികിത്സയ്ക്ക് തുക സ്വരൂപിക്കുന്നതിനായി യൂണിയൻ ബാങ്ക് കിളിമാനൂർ ശാഖയിൽ അക്കൗണ്ട് തുറന്നിട്ടുണ്ട്. അക്കൗണ്ട് നമ്പർ 520101267328913 . IFSC CODU ... UBIN0919993 GOOGLE PAY 8129513801.