തിരുവനന്തപുരം: സ്ഥാനമൊഴിയുന്ന വൈസ് ചാൻസലർ ഡോ.വി.പി. മഹാദേവൻപിള്ളയ്ക്കും പി.വി.സി ഡോ.പി.പി. അജയകുമാറിനും അദ്ധ്യാപകരും ജീവനക്കാരും വിദ്യാർത്ഥികളും ചേർന്ന് യാത്രഅയപ്പ് നൽകി.

24നാണ് ഇരുവരുടെയും കാലാവധി പൂർത്തിയാകുന്നത്. സെനറ്റ് ഹാളിൽ നടന്ന ചടങ്ങിൽ സിൻഡിക്കേ​റ്റ് ഫിനാൻസ് കമ്മി​റ്റി കൺവീനർ കെ. എച്ച്. ബാബുജാൻ, സിൻഡിക്കേറ്റംഗങ്ങളായ എ. അജികുമാർ, ഡോ.എം. വിജയൻപിള്ള, ആർ. അരുൺകുമാർ, രജിസ്ട്രാർ ഡോ.കെ.എസ്. അനിൽ കുമാർ, അദ്ധ്യാപക പ്രതിനിധി ഡോ.വി. ബിജു, ജീവനക്കാരുടെ പ്രതിനിധി ഡി.എൽ. അജയ്, ഒ.ടി. പ്രകാശ്, ജ്യോൽന, യൂണിവേഴ്സി​റ്റി യൂണിയൻ ചെയർമാൻ വിഷ്ണു എന്നിവർ സംസാരിച്ചു. വി.സിയും പി.വി.സിയും മറുപടി പ്രസംഗം നടത്തി