തിരുവനന്തപുരം: മുൻമന്ത്രിമാരായ തോമസ് ഐസക്, കടകംപള്ളി സുരേന്ദ്രൻ, മുൻ സ്പീക്കർ പി. ശ്രീരാമകൃഷ്ണൻ എന്നിവർക്കെതിരെ സ്വർണക്കടത്ത് കേസ് പ്രതി സ്വപ്ന സുരേഷ് ഉന്നയിച്ച ലൈംഗികാരോപണങ്ങളെ തള്ളിക്കളഞ്ഞ് സി.പി.എം സംസ്ഥാന സെക്രട്ടറി എം.വി. ഗോവിന്ദൻ. എൽദോസ് കുന്നപ്പിള്ളിക്കെതിരായ കേസും, ഇതും വ്യത്യസ്തമാണെന്നും എൽ.ഡി.എഫ് യോഗത്തിന് ശേഷം വാർത്താസമ്മേളനത്തിൽ എം.വി. ഗോവിന്ദൻ പ്രതികരിച്ചു. ആരോപണമുയരുമ്പോൾ അതുന്നയിക്കുന്നയാളിന്റെ ആത്മാർത്ഥതയും പരിശോധിക്കപ്പെടുമെന്ന് ഒപ്പമുണ്ടായിരുന്ന സി.പി.ഐ സംസ്ഥാന സെക്രട്ടറി കാനം രാജേന്ദ്രനും വ്യക്തമാക്കി.

?.സ്വപ്ന സുരേഷ് കഴിഞ്ഞ ദിവസം സി.പി.എം നേതാക്കൾക്കെതിരെ ഗുരുതര ആരോപണമുന്നയിച്ചല്ലോ...

#ഗോവിന്ദൻ: സ്വപ്ന സുരേഷിന്റെ കാര്യത്തിലിപ്പോൾ ചർച്ചയില്ല. എൽ.ഡി.എഫിന്റെ സമരപരിപാടിയുടെ വാർത്തയില്ലാതാക്കാനുള്ള ബോധപൂർവ്വ ശ്രമമാണിത്.

കാനം: അതൊരു തുടർക്കഥയല്ലേ. അതെപ്പോൾ അവസാനിച്ചെന്ന് നോക്കിയിട്ട് പ്രതികരിച്ചാൽ മതിയല്ലോ. ഇത് രണ്ടാം ലക്കമാണ്. അടുത്തതിനി വരുമല്ലോ.

?. സി.പി.എം ഇതിൽ പ്രതികരിക്കേണ്ടതല്ലേ?

#ഗോവിന്ദൻ: പ്രതികരിക്കാനുണ്ടെങ്കിൽ അപ്പോൾ പ്രതികരിക്കും.

?. സോളാർ കേസും സമാനമായിരുന്നില്ലേ?

#ഗോവിന്ദൻ: ഇതിപ്പോ കള്ളക്കടത്തുമായി ബന്ധപ്പെട്ടതായിരുന്നല്ലോ കേസ്.

?. രണ്ടാമതൊരു പുസ്തകം കൂടി വരുന്നുണ്ട്.

#ഗോവിന്ദൻ: വരട്ടെ. രണ്ടാമത്തെയോ മൂന്നാമത്തെയോ അദ്ധ്യായമായി വരട്ടെ.

?. കഴിഞ്ഞ സർക്കാരിലെ മന്ത്രിമാരും സ്പീക്കറുമായിരുന്നവർക്കെതിരെയാണ് ഗുരുതര ആരോപണം?

#ഗോവിന്ദൻ: ആരോപണം ഗുരുതരമെന്നത് അതുന്നയിച്ചവർ തന്നെ പറയുന്നതാണ്.

?. സമാന ആരോപണം സോളാർകേസിലുണ്ടായപ്പോൾ അത് സി.ബി.ഐ അന്വേഷണത്തിൽ വരെയെത്തി?

#ഗോവിന്ദൻ: ഇ.ഡിക്ക് മുന്നിലിതെല്ലാം ആവർത്തിച്ചിട്ടുണ്ടെന്നാണല്ലോ പറയുന്നത്. അവിടെ കേസ് നടക്കട്ടെ.

?.ചോദ്യം: ഭരണം മാറുമ്പോഴെങ്ങനെയാണ് കേസിന്റെ മെറിറ്റ് മാറുന്നത്.

#ഗോവിന്ദൻ: പറയേണ്ടതെല്ലാം പറഞ്ഞു.

?. സ്ത്രീകളുമായി ബന്ധപ്പെട്ട ആരോപണങ്ങളാണ്. ഒഴിഞ്ഞുമാറുകയല്ലേ.

#ഗോവിന്ദൻ: ഒഴിഞ്ഞ് മാറേണ്ട കാര്യമില്ല. ഇങ്ങനെ തുടർക്കഥയവതരിപ്പിക്കുന്നതിൽ രാഷ്ട്രീയമുണ്ട്. അതിൽ പ്രതിപക്ഷമുണ്ട്. മാദ്ധ്യമങ്ങളുമുണ്ടാവും. കേസ് സ്വർണക്കടത്തിന്റേതാണ്. അതിൽനിന്നെല്ലാം മാറിയിപ്പോൾ സി.പി.എം നേതാക്കൾക്കെതിരെ അപവാദപ്രചാരണവുമായി വരികയാണ്.

?. എൽദോസിന്റെ കാര്യത്തിൽ സദാചാരവും ധാർമ്മികതയും പറഞ്ഞതല്ലേ?

#ഗോവിന്ദൻ: സ്വർണക്കടത്തുമായി ബന്ധപ്പെട്ട് പറഞ്ഞതിലൊരു കാര്യവും ശരിയല്ലെന്ന് രാജ്യം മുഴുവൻ മനസ്സിലാക്കിയൊരു വ്യക്തി തുടർച്ചയായി നടത്തുന്ന വ്യാജപ്രചാരണങ്ങളോട് അപ്പപ്പോൾ പ്രതികരിക്കേണ്ടതില്ല. ഒരാളൊരു കാര്യം പറഞ്ഞതിന്റെ പേരിൽ ധാർമ്മികത ഇടിഞ്ഞ് പൊളിഞ്ഞ് വീഴുമോ?

?.ആരോപണത്തിനെതിരെ കേസ് കൊടുക്കുമോ

#ഗോവിന്ദൻ: പറയുന്നതിനെല്ലാം കേസിന് പോയാൽ അതിനല്ലേ നേരമുണ്ടാവൂ. നിങ്ങളീപ്പറഞ്ഞ കേസ് ആലോചിക്കാം. ഇവർ പറയുന്നതാണ് ധാർമ്മികതയെന്ന് അടിച്ചേല്പിക്കാൻ ശ്രമിക്കേണ്ട.

?. ആരോപണവിധേയരായ മൂന്ന് പേരും പ്രതികരിച്ചിട്ടില്ല?

#ഗോവിന്ദൻ: പ്രതികരിക്കേണ്ടതാണെങ്കിൽ തീർച്ചയായും പ്രതികരിക്കും.

?.: ആരോപണം വരുമ്പോൾ മൂന്ന് പേരോടും തിരക്കണ്ടേ?

#ഗോവിന്ദൻ: തിരക്കാൻ പാർട്ടിക്ക് അന്നുമിന്നും ഒരു സംശയവുമില്ല.

? ആരോപണത്തിന് പിന്നിലാരാണ്?

#ഗോവിന്ദൻ: അത് നിങ്ങൾ കണ്ടുപിടിക്കൂ.

കാനം: ആരോപണം വരുമ്പോൾ ഉന്നയിക്കുന്നയാളിന്റെ ഇന്റഗ്രിറ്റിയും പരിശോധിക്കപ്പെടും.

?. ഇന്റഗ്രിറ്റി പരിശോധിക്കേണ്ടത് രാഷ്ട്രീയസംവിധാനമല്ലല്ലോ?

#കാനം : മാദ്ധ്യമങ്ങൾക്കും പരിശോധിക്കാം.

?. സോളാറിന്റെ പേരിലല്ലേ സെക്രട്ടേറിയറ്റ് വളഞ്ഞത്?

#കാനം: അതിൽ വസ്തുതയില്ലെന്ന് പറയാനാവില്ലല്ലോ.

ഗോവിന്ദൻ: അതിൽ വസ്തുതയുണ്ടെന്ന് വ്യക്തമാണ്. ഇതിൽ വസ്തുതയില്ലെന്നും വ്യക്തമല്ലേ. ഇതും എൽദോസും തമ്മിൽ കൂട്ടിക്കുഴയ്ക്കേണ്ട. തന്നെ ബലാത്സംഗം ചെയ്തെന്ന് കേസ് കൊടുത്ത വിഷയമാണ്. അതിൽ വേറെ ധാർമ്മികതയുടെ പ്രശ്നമില്ല.

സ്വ​പ്ന​ ​ബി.​ജെ.​പി​യു​ടെ
ദ​ത്തു​പു​ത്രി:
തോ​മ​സ് ​ഐ​സ​ക്

#​ ​ആ​രെ​യും​ ​മൂ​ന്നാ​റി​ലേ​ക്ക് ​ക്ഷ​ണി​ച്ചി​ട്ടി​ല്ല
കോ​ഴി​ക്കോ​ട്:​ ​സ്വ​ർ​ണ​ക്ക​ള്ള​ക്ക​ട​ത്ത് ​കേ​സ് ​പ്ര​തി​ ​സ്വ​പ്ന​ ​സു​രേ​ഷ് ​ആ​രോ​പ​ണ​മു​ന്ന​യി​ച്ച​പ്പോ​ൾ​ ​ത​ന്റെ​ ​പേ​ര് ​പ​റ​ഞ്ഞ​ത് ​ബോ​ധ​പൂ​ർ​വ​മാ​ണെ​ന്നും​ ,​ബി.​ജെ.​പി​യു​ടെ​ ​ദ​ത്തു​പു​ത്രി​യാ​ണ് ​അ​വ​രെ​ന്നും​ ​മു​ൻ​ ​മ​ന്ത്രി​ ​തോ​മ​സ് ​ഐ​സ​ക് ​മാ​ദ്ധ്യ​മ​ങ്ങ​ളോ​ട് ​പ​റ​ഞ്ഞു.
.​ ​ആ​രോ​പ​ണം​ ​ഉ​ന്ന​യി​ച്ച​തി​ന് ​ശേ​ഷം​ ​നി​ര​വ​ധി​ ​ച​ർ​ച്ച​ക​ളാ​ണു​ണ്ടാ​യ​ത്.​ ​അ​തി​ന്റെ​ ​പി​ന്നി​ൽ​ ​ബി.​ജെ.​പി​ക്ക് ​അ​ക​ത്തു​ള്ള​വ​രാ​ണ്.​ ​അ​വ​രു​ടെ​ ​രാ​ഷ്ട്രീ​യ​മാ​ണ​ത്.​ ​ക​ള്ള​ക്ക​ട​ത്ത് ​കേ​സി​ലെ​ ​പ്ര​തി​ക്ക് ​പൂ​ർ​ണ​സം​ര​ക്ഷ​ണം​ ​ന​ൽ​കു​ന്ന​ത് ​ബി.​ജെ.​പി​യാ​ണ്.​ ​സി.​പി.​എ​മ്മി​ന്റെ​ ​പ്ര​ധാ​ന​പ്പെ​ട്ട​ ​ആ​ളു​ക​ളെ​ ​തേ​ജോ​വ​ധം​ ​ചെ​യ്യാ​നാ​ണ് ​സ്ക്രി​പ്റ്റ് ​ത​യ്യാ​റാ​ക്കു​ന്ന​ത്.​ ​വ​ലി​യ​ ​പ​രി​ശ്ര​മം​ ​അ​തി​നാ​യി​ ​ന​ട​ക്കു​ന്നു​ണ്ട്.​ ​സ്വ​പ്ന​യു​ടെ​ ​നി​ല​പാ​ടു​ക​ൾ​ ​വൈ​രു​ദ്ധ്യം​ ​നി​റ​ഞ്ഞ​താ​ണ്.​ ​രാ​ഷ്ട്രീ​യ​മാ​യ​ ​വി​ഷ​യ​ത്തെ​ ​രാ​ഷ്ട്രീ​യ​മാ​യാ​ണ് ​നേ​രി​ടേ​ണ്ട​ത്,​ ​നി​യ​മ​പ​ര​മാ​യ​ല്ല.​ ​മ​റി​ച്ചാ​ണെ​ങ്കി​ൽ​ ​പാ​ർ​ട്ടി​ ​തീ​രു​മാ​നി​ക്കും.​ ​സോ​ളാ​ർ​ ​കേ​സ് ​ഇ​തു​മാ​യി​ ​കൂ​ട്ടി​ക്കു​ഴ​യ്ക്കേ​ണ്ട​തി​ല്ല.
വീ​ടി​ന്റെ​ ​മു​ക​ളി​ലേ​ക്ക് ​വി​ളി​ച്ച​തി​ൽ​ ​അ​പാ​ക​ത​യി​ല്ല.​ ​മു​ക​ളി​ലേ​ക്ക് ​വ​രാ​ൻ​ ​വീ​ടി​ന്റെ​ ​ഉ​ള്ളി​ലേ​ക്ക് ​ക​ട​ക്കേ​ണ്ട.​ ​ഒ​ഫീ​ഷ്യ​ൽ​ ​മീ​റ്റിം​ഗു​ക​ൾ​ ​മു​ക​ളി​ലാ​ണ് ​ന​ട​ക്കാ​റ്.​ ​ആ​രെ​യും​ ​മൂ​ന്നാ​റി​ലേ​ക്ക് ​ക്ഷ​ണി​ച്ചി​ട്ടി​ല്ല.​ ​സ്വ​ബോ​ധ​മു​ള്ള​ ​ഏ​തെ​ങ്കി​ലും​ ​മ​ന്ത്രി​ ​ക​റ​ങ്ങാ​നാ​യി​ ​ടൂ​റി​സ്റ്റ് ​കേ​ന്ദ്ര​ത്തി​ലേ​ക്ക് ​പോ​കു​മോ​?.​ ​അ​തും​ ​വേ​ണ്ട​ത്ര​ ​താ​മ​സ​ ​സൗ​ക​ര്യ​മി​ല്ലാ​ത്ത​ ​മൂ​ന്നാ​റി​ൽ.​ ​സാ​മാ​ന്യ​ ​യു​ക്തി​ക്ക് ​നി​ര​ക്കു​ന്ന​താ​ണോ​ ​ഇ​ത്?.​ ​പ​ല​ ​ച​ർ​ച്ച​ക​ൾ​ ​ന​ട​ത്തി​യി​ട്ടു​ണ്ടാ​കും.​ ​മ​ന്ത്രി​യാ​യി​രി​ക്കു​മ്പോ​ൾ​ ​ഒ​രി​ക്ക​ൽ​ ​പോ​ലും​ ​മൂ​ന്നാ​റി​ൽ​ ​പോ​യി​ട്ടി​ല്ല.​ ​ആ​രു​ ​വ​ന്നാ​ലും​ ​ചി​രി​ച്ചും​ ​സ്നേ​ഹ​ത്തി​ലു​മാ​ണ് ​താ​ൻ​ ​സം​സാ​രി​ക്കു​ക​യെ​ന്നും​ ​തോ​മ​സ് ​ഐ​സ​ക് ​പ​റ​ഞ്ഞു.