തിരുവനന്തപുരം: മയക്കുമരുന്നിനെതിരെയുള്ള സർക്കാരിന്റെ പ്രചാരണ പരിപാടികളുടെ ഭാഗമായി ഇന്ന് വൈകിട്ട് ആറിന് സംസ്ഥാനത്തെ എല്ലാ വീടുകളിലും നാളെ വ്യാപാര സ്ഥാപനങ്ങളിലും ലഹരിവിരുദ്ധ ദീപം തെളിക്കുമെന്ന് മന്ത്രി എം.ബി.രാജേഷ് അറിയിച്ചു. മയക്കുമരുന്നിനെതിരെയുള്ള ജനകീയ പ്രതിരോധത്തിനായി ഒക്‌ടോബർ രണ്ടിന് ആരംഭിച്ച കാമ്പെയിനിന്റെ ആദ്യഘട്ടം നവംബർ ഒന്നിന് അവസാനിക്കും. ഒന്നിന് എല്ലാ വിദ്യാലയങ്ങളിലും വാർഡിലെ പ്രധാന കേന്ദ്രങ്ങളിലും സ്ഥാപനങ്ങളിലും ലഹരിവിരുദ്ധ ശൃംഖല തീർക്കും. മയക്കുമരുന്നിനെതിരെയുള്ള പോരാട്ടത്തിൽ എല്ലാവരും പങ്കാളികളാകണമെന്ന് മന്ത്രി അഭ്യർത്ഥിച്ചു.