ഇന്ന് രാവിലെ 11.30 മുമ്പ് രാജി നൽകാൻ അന്ത്യശാസനം

തിരുവനന്തപുരം: യു.ജി.സി ചട്ടം പാലിക്കാതെ നിയമിതരായ സംസ്ഥാനത്തെ ഒമ്പത് വൈസ് ചാൻസലർമാരുടെ രാജി ഇന്ന് രാവിലെ 11.30 മുമ്പ് ആവശ്യപ്പെട്ട് സർക്കാരിനെ പ്രഹരിക്കാൻ ഗവർണർ. രാജി വച്ച് കീഴടങ്ങേണ്ടെന്ന് സർക്കാർ. ഇതോടെ, സർക്കാർ-ഗവർണർ പോര് എല്ലാ അതിരും ലംഘിച്ച് പുതിയ തലത്തിലെത്തി.

കേരള, മഹാത്മാഗാന്ധി, കൊച്ചി ശാസ്ത്രസാങ്കേതികം, കണ്ണൂർ, കാലിക്കറ്റ്, ഫിഷറീസ്, ശ്രീ ശങ്കരാചാര്യ, എ.പി.ജെ. അബ്ദുൾകലാം സാങ്കേതികം, കാലടി സംസ്കൃതം, തുഞ്ചത്തെഴുത്തച്ഛൻ മലയാളം വി.സിമാരോടാണ് രാജി ആവശ്യപ്പെട്ടിരിക്കുന്നത്. സാങ്കേതിക സർവകലാശാലാ വൈസ് ചാൻസലർ ഡോ.എം.എസ്.രാജശ്രീയെ അയോഗ്യയാക്കിയ സുപ്രീംകോടതി ഉത്തരവ് ആയുധമാക്കിയാണ് ഗവർണറുടെ നീക്കം. ഇന്ന് അർദ്ധരാത്രിയോടെ കാലാവധി തീരുന്ന കേരള വി.സി പ്രൊഫ. വി.പി. മഹാദേവൻ പിള്ളയും ഇവരിൽപ്പെടുന്നു. സ‌ർവീസ് തീരുന്നതിന് മണിക്കൂറുകൾ മുമ്പ് പുറത്താക്കപ്പെട്ടാലും അദ്ദേഹത്തിന് ആനുകൂല്യങ്ങൾ നഷ്ടമാകും.ഡൽഹിയിൽ നിന്ന് ഇന്നലെയെത്തിയ ഗവർണർ ഒമ്പത് വി.സിമാർക്കും ഇ-മെയിലിലൂടെയും ഫാക്സ് വഴിയും നിർദ്ദേശം കൈമാറി. പിന്നാലെ, രാജ്ഭവൻ പി.ആർ.ഒ ഇക്കാര്യം ട്വിറ്റർ വഴി പുറത്തുവിട്ടു. ചരിത്രത്തിലാദ്യമായാണ് വി.സിമാരോട് ഗവർണർ ഒരുമിച്ച് രാജി ആവശ്യപ്പെടുന്നത്. ഗവർണർക്കെതിരെ പരസ്യപ്രക്ഷോഭത്തിന് ഇടതുമുന്നണി തീരുമാനിച്ചതിന് പിന്നാലെയാണ് നടപടിയെന്നതും ശ്രദ്ധേയം.

സാങ്കേതിക സർവകലാശാലാ വി.സിയുടെ നിയമനം യു.ജി.സി ചട്ടത്തിന് വിരുദ്ധമെന്ന് വിലയിരുത്തി സുപ്രീംകോടതി കഴിഞ്ഞ ദിവസമാണ് റദ്ദാക്കിയത്. ഇതിനെതിരെ സർക്കാർ പുനഃപരിശോധനാ ഹർജിക്ക് തീരുമാനിച്ചിരിക്കുകയാണ്. കേന്ദ്ര നിയമവും സംസ്ഥാന നിയമവും തമ്മിൽ പൊരുത്തക്കേടുണ്ടെങ്കിൽ കേന്ദ്ര നിയമമാകും നിലനിൽക്കുകയെന്ന ഭരണഘടനാ അനുച്ഛേദം 254 ചൂണ്ടിക്കാട്ടിയാണ് ഡോ. രാജശ്രീയുടെ നിയമനം റദ്ദാക്കിയത്. ഇതോടെ ഈ വിധി രാജ്യത്തിന്റെ നിയമമായി . ഇതാണ് ഗവർണർ പിടിവള്ളിയാക്കിയത്.

വി.സി നിയമനത്തിനായി മൂന്നിൽ കുറയാതെ പേരുകളുള്ള പാനലാണ് സെർച്ച് കമ്മിറ്റി ചാൻസലർക്ക് നൽകേണ്ടത്. ഒരു പേര് മാത്രം നൽകിയതും, സുപ്രീംകോടതിയുടെ നടപടിക്ക് കാരണമായി . സർവകലാശാലകളിൽ യു.ജി.സി നിയമമേ നിലനിൽക്കൂവെന്നും കോടതി വ്യക്തമാക്കിയിരുന്നു.

ചട്ട ലംഘനം രണ്ട്

സെർച്ച് കമ്മിറ്റിയിൽ ഒറ്റപ്പേര് മാത്രം ഉൾപ്പെടുത്തി, അക്കാഡമിക് വിദഗ്ദ്ധനില്ലാതെ സെർച്ച് കമ്മിറ്റിയുണ്ടാക്കി എന്നിങ്ങനെ യു.ജി.സി ചട്ടലംഘനം രണ്ടെന്നാണ് ഗവർണർ ചൂണ്ടിക്കാട്ടുന്നത്. കേരള, മഹാത്മാഗാന്ധി, ഫിഷറീസ്, കണ്ണൂർ, സാങ്കേതികം, സംസ്കൃതം സർവകലാശാലകളിൽ സെർച്ച് കമ്മിറ്റിയിൽ ഒറ്റപ്പേര് മാത്രം. മലയാളം, കാലിക്കറ്റ്, കുസാറ്റ് സർവകലാശാലകളിൽ അക്കാഡമിക് വിദഗ്ദ്ധരില്ലാത്ത കമ്മിറ്റിയും.

സർക്കാർ തന്ത്രം

വി.സിമാരെ രാജി വയ്പ്പിക്കാതിരിക്കുക. രാജി വച്ചില്ലെങ്കിൽ പുറത്താക്കാതിരിക്കാൻ ഗവർണർ കാരണം കാണിക്കൽ നോട്ടീസ് നൽകണം. സിറ്റിംഗ് ജഡ്ജിയുടെ പ്രത്യേക കമ്മിഷൻ വി.സിമാരെ കേൾക്കണം. ഇന്ന് രാവില 11.30ന് മുമ്പ് ഇതൊക്കെ സാദ്ധ്യമല്ല.

 രാജ്ഭവൻ നീക്കം

സുപ്രീംകോടതി വിധിയോടെ ഈ വി.സിമാർ അയോഗ്യരായിക്കഴിഞ്ഞു. രാജിവച്ചില്ലെങ്കിൽ പുറത്താക്കാം. അതിന് പതിവ് നടപടി ക്രമമൊന്നും നോക്കേണ്ട. പകരം ചുമതല നൽകാൻ പ്രൊഫസർമാരുടെ പാനൽ ശേഖരിച്ചിട്ടുണ്ട്.

സാ​ങ്കേ​തി​ക​ ​യൂ​ണി. സ​ജി​ ​ഗോ​പി​നാ​ഥി​ന്
ചു​മ​ത​ല​യ്ക്ക് ​ശു​പാ​ർശ

തി​രു​വ​ന​ന്ത​പു​രം​:​ ​ഡോ.​എം.​എ​സ്.​ ​രാ​ജ​ശ്രി​യു​ടെ​ ​നി​യ​മ​നം​ ​സു​പ്രീം​കോ​ട​തി​ ​റ​ദ്ദാ​ക്കി​യ​തി​ന് ​പി​ന്നാ​ലെ,​ ​സാ​ങ്കേ​തി​ക​ ​സ​ർ​വ​ക​ലാ​ശാ​ലാ​ ​വി.​സി​യു​ടെ​ ​താ​ത്കാ​ലി​ക​ ​ചു​മ​ത​ല​ ​ഡി​ജി​റ്റ​ൽ​ ​സ​ർ​വ​ക​ലാ​ശാ​ലാ​ ​വി.​സി​ ​ഡോ.​ ​സ​ജി​ ​ഗോ​പി​നാ​ഥി​ന് ​കൈ​മാ​റാ​നു​ള്ള​ ​ശു​പാ​ർ​ശ​ ​രാ​ജ്ഭ​വ​ന് ​സ​ർ​ക്കാ​ർ​ ​കൈ​മാ​റി​യ​തും​ ​ഗ​വ​ർ​ണ​റു​ടെ​ ​നീ​ക്ക​ത്തി​ന് ​ആ​യു​ധ​മാ​യി.​ ​ശ​നി​യാ​ഴ്ച​യാ​ണ് ​ഉ​ന്ന​ത​ ​വി​ദ്യാ​ഭ്യാ​സ​ ​പ്രി​ൻ​സി​പ്പ​ൽ​ ​സെ​ക്ര​ട്ട​റി​ ​ഇ​ഷി​ത​ ​റോ​യി​ ​ശു​പാ​ർ​ശ​ ​ചാ​ൻ​സ​ല​റു​ടെ​ ​അം​ഗീ​കാ​ര​ത്തി​നാ​യി​ ​അ​യ​ച്ച​ത്.​ ​ഫ​യ​ലി​ൽ​ ​ഗ​വ​ർ​ണ​ർ​ ​ഒ​പ്പു​വ​ച്ചി​ട്ടി​ല്ല.​ ​സു​പ്രീം​കോ​ട​തി​ ​ഉ​ത്ത​ര​വ് ​സ​ർ​ക്കാ​രും​ ​അം​ഗീ​ക​രി​ച്ച​ ​സ്ഥി​തി​ക്ക് ​യു.​ജി.​സി​ ​ച​ട്ട​ലം​ഘ​ന​മു​ള്ള​ ​എ​ല്ലാ​ ​സ​ർ​വ​ക​ലാ​ശാ​ല​ക​ളെ​യും​ ​പി​ടി​കൂ​ടു​ക​യാ​യി​രു​ന്നു.

രാ​ജി​വ​യ്ക്കി​ല്ലെ​ന്ന് ​ക​ണ്ണൂ​ർ​ ​വി.​സി​

ക​ണ്ണൂ​ർ​:​ ​രാ​ജി​വ​യ്ക്കി​ല്ലെ​ന്ന് ​ക​ണ്ണൂ​ർ​ ​സ​ർ​വ​ക​ലാ​ശാ​ല​ ​വൈ​സ് ​ചാ​ൻ​സ​ല​ർ​ ​പ്രൊ​ഫ.​ ​ഗോ​പി​നാ​ഥ് ​ര​വീ​ന്ദ്ര​ൻ.​ ​വൈ​സ് ​ചാ​ൻ​സ​ല​റെ​ ​എ​ങ്ങ​നെ​യാ​ണ് ​പി​രി​ച്ചു​ ​വി​ടേ​ണ്ട​തെ​ന്ന് ​യു.​ജി.​സി​ ​റെ​ഗു​ലേ​ഷ​നി​ൽ​ ​പ​റ​യു​ന്നി​ല്ല.​ ​ആ​ ​സാ​ഹ​ച​ര്യ​ത്തി​ൽ​ ​സ​ർ​വ​ക​ലാ​ശാ​ല​ ​ആ​ക്ട് ​ആ​ണ് ​നി​ല​നി​ൽ​ക്കു​ക.​ ​ആ​ക്ട് ​പ്ര​കാ​രം​ ​സ്വ​ഭാ​വ​ദൂ​ഷ്യം,​ ​സാ​മ്പ​ത്തി​ക​ക്ര​മ​ക്കേ​ട് ​എ​ന്നി​വ​യാ​ണ് ​വൈ​സ് ​ചാ​ൻ​സ​ല​റെ​ ​പു​റ​ത്താ​ക്കാ​നു​ള്ള​ ​കാ​ര​ണ​ങ്ങ​ൾ.​ ​മു​ൻ​കൂ​ട്ടി​ ​നോ​ട്ടീ​സ് ​ന​ൽ​കു​ക​യും​ ​വി.​സി​യു​ടെ​ ​വി​ശ​ദീ​ക​ര​ണം​ ​കേ​ൾ​ക്കു​ക​യും​ ​വേ​ണം.​ ​പ്ര​ശ്നം​ ​പ​ഠി​ക്കാ​ൻ​ ​ര​ണ്ടം​ഗ​ ​സ​മി​തി​യെ​ ​നി​യോ​ഗി​ച്ച് ​അ​വ​രു​ടെ​ ​നി​ർ​ദേ​ശ​പ്ര​കാ​രം​ ​മാ​ത്ര​മേ​ ​പു​റ​ത്താ​ക്കാ​നാ​വൂ.