തിരുവനന്തപുരം: കേരളസർവകലാശാല 19, 20 തീയതികളിൽ നടത്താൻ നിശ്ചയിച്ചിരുന്നതും മാ​റ്റിവച്ചതുമായ നാലാം സെമസ്​റ്റർ ബി.എഡ് ഓൺലൈൻ പരീക്ഷ (2019 സ്‌കീം - റെഗുലർ/ സപ്ലിമെന്ററി, 2015 സ്‌കീം - സപ്ലിമെന്ററി/മേഴ്സിചാൻസ്) 2022 ഒക്ടോബർ 28, 29 തീയതികളിലായി നടത്താൻ നിശ്ചയിച്ചു.

ആഗസ്​റ്റിൽ നടത്തിയ നാലാം സെമസ്​റ്റർ ബി.എസ്സി കെമിസ്ട്രി ആൻഡ് ഇൻഡസ്ട്രിയൽ കെമിസ്ട്രി പ്രാക്ടിക്കൽ പരീക്ഷ നവംബർ 8 മുതൽ അതത് പരീക്ഷ കേന്ദ്രത്തിൽ നടത്തും.

അഡ്വാൻസ്ഡ് പോസ്​റ്റ് ഗ്രാജുവേ​റ്റ് ഡിപ്ലോമ ഇൻ ഇംഗ്ലീഷ് ഫോർ കമ്മ്യൂണിക്കേഷൻ പരീക്ഷ നവംബർ 7 മുതൽ ആരംഭിക്കും.

ആഗസ്​റ്റിൽ നടത്തിയ എം.ഫിൽ ആർക്കിയോളജി, തമിഴ് 2020-2021 ബാച്ച് (സി.എസ്.എസ്) പരീക്ഷാഫലം പ്രസിദ്ധീകരിച്ചു.

വിദൂര വിദ്യാഭ്യാസ പഠന കേന്ദ്രം വഴി നടത്തുന്ന മൂന്നും നാലും സെമസ്​റ്റർ എം.എ/ എം.എസ്.സി/ എം.കോം നവംബർ 2022 (എസ്.ഡി.ഇ - 2017 അഡ്മിഷൻ മേഴ്സിചാൻസ്) പരീക്ഷയ്ക്ക് രജിസ്​റ്റർ ചെയ്യാം. പിഴ കൂടാതെ നവംബർ 10 വരെയും 150 രൂപ പിഴയോടെ നവംബർ 14 വരെയും 400 രൂപ പിഴയോടെ നവംബർ 16 വരെയും ഓൺലൈനായി അപേക്ഷിക്കാം.

ഡിസംബറിൽ ആരംഭിക്കുന്ന അഞ്ചാം സെമസ്​റ്റർ ബി.എ ഓണേഴ്സ് ഇൻ ഇംഗ്ലീഷ് ലാംഗ്വേജ് ആൻഡ് ലി​റ്ററേച്ചർ (2020 അഡ്മിഷൻ റെഗുലർ, 2018-2019 അഡ്മിഷൻ സപ്ലിമെന്ററി, 2013 മുതൽ 2016 അഡ്മിഷൻ മേഴ്സിചാൻസ്) പരീക്ഷയുടെ വിജ്ഞാപനം പ്രസിദ്ധീകരിച്ചു. പിഴകൂടാതെ ഒക്ടോബർ 29 വരെയും 150 രൂപ പിഴയോടെ നവംബർ 2 വരെയും 400 രൂപ പിഴയോടെ നവംബർ 4 വരെയും അപേക്ഷിക്കാം. വിശദവിവരം വെബ്‌സൈ​റ്റിൽ.

ജൂണിൽ നടത്തിയ ഒന്നാം സെമസ്​റ്റർ ബി.പി.എ മ്യൂസിക്/ ബി.പി.എ (വോക്കൽ) പരീക്ഷയുടെ പ്രാക്ടിക്കൽ പരീക്ഷ നവംബർ 1 മുതലും ആഗസ്​റ്റിൽ നടത്തിയ നാലാം സെമസ്​റ്റർ ബി.പി.എ വോക്കൽ പരീക്ഷയുടെ പ്രാക്ടിക്കൽ പരീക്ഷ ഒക്ടോബർ 31 മുതലും തിരുവനന്തപുരം സ്വാതി തിരുനാൾ സംഗീത കോളജിൽ നടത്തും.

കാര്യവട്ടം യൂണിവേഴ്സി​റ്റി എൻജിനിറിംഗ് കോളേജിൽ ഒന്നാം വർഷത്തെയും രണ്ടാം വർഷത്തെയും ബി.ടെക് കോഴ്സുകളിലെ (കമ്പ്യൂട്ടർ സയൻസ് ആൻഡ് എൻജിനിയറിംഗ്, ഇലക്ട്രോണിക്സ് ആൻഡ് കമ്മ്യൂണിക്കേഷൻ, ഇൻഫർമേഷൻ ടെക്‌നോളജി) ഒഴിവുള്ള ലാ​റ്ററൽ എൻട്രി സീ​റ്റിലേക്കുള്ള സ്‌പോട്ട് അഡ്മിഷനും ഒഴിവുള്ള എൻ.ആർ.ഐ സീ​റ്റുകളിലേക്കുള്ള സ്‌പോട്ട് അഡ്മിഷനും 27 മുതൽ കോളേജ് ഓഫീസിൽ നടത്തും. ഫോൺ:9037119776, 9388011160, 9447125125