തിരുവനന്തപുരം : സർക്കാരിന്റെ ലഹരി വിരുദ്ധ പരിപാടികളുടെ ഭാഗമായി ഇന്ന് കിഴക്കേകോട്ട മുതൽ വെള്ളയമ്പലം ജംഗ്ഷൻ വരെ നടക്കുന്ന സ്‌കൂൾ കുട്ടികളുടെ മനുഷ്യച്ചങ്ങലയോടനുബന്ധിച്ച് ഉച്ചയ്ക്ക് രണ്ട് മുതൽ നഗരത്തിൽ ഗതാഗത ക്രമീകരണം ഏർപ്പെടുത്തുമെന്ന് സിറ്റി പൊലീസ് കമ്മീഷണർ അറിയിച്ചു. കിഴക്കേകോട്ട മുതൽ വെള്ളയമ്പലം വരെയുള്ള മെയിൻ റോഡിലും,ഇട റോഡുകളിലും രാവിലെ മുതൽ വാഹന പാർക്കിംഗ് അനുവദിക്കില്ല. അനധികൃതമായി പാർക്ക് ചെയ്യുന്ന വാഹനം റിക്കവറി വാൻ ഉപയോഗിച്ച് നീക്കം ചെയ്യും.
വാഹനങ്ങൾ വഴി തിരിച്ചു വിടുന്നത് ഇങ്ങനെ - വെള്ളയമ്പലം ഭാഗത്ത് നിന്ന് കിഴക്കേകോട്ടയിലേക്ക് പോകുന്ന വാഹനങ്ങൾ വെള്ളയമ്പലം ആൽത്തറ – വഴുതക്കാട്, തൈക്കാട്, ചെന്തിട്ട, കിള്ളിപാലം ഭാഗത്തേക്കും അതുപോലെ തിരിച്ചും പോകണം, പട്ടം ഭാഗത്തു നിന്ന് കിഴക്കേകോട്ടയിലേക്കുള്ള വാഹനങ്ങൾ പട്ടം, കുറവൻകോണം, കവടിയാർ, വെള്ളയമ്പലം, വഴുതയ്ക്കാട് വഴിയും, തിരിച്ചും പോകണം.
ശ്രീകാര്യം ഭാഗത്തു നിന്ന് കിഴക്കേകോട്ടയിലേക്കുള്ള വാഹനങ്ങൾ ഉള്ളൂർ, മെഡിക്കൽ കോളേജ്, കണ്ണമ്മൂല, നാലുമുക്ക് വഴി പോകണം. ചാക്ക ഭാഗത്തു നിന്ന് കിഴക്കേകോട്ടയിലേക്കുള്ള വാഹനങ്ങൾ ആശാൻ സ്‌ക്വയർ, അണ്ടർപാസേജ്, പനവിള വഴിയും, അതുപോലെ തിരിച്ചും പോകേണ്ടതാണ്. തമ്പാനൂർ ഭാഗത്തു നിന്ന് കിഴക്കേകോട്ടയിലേക്കുള്ള വാഹനങ്ങൾ കിള്ളിപാലം അട്ടക്കുളങ്ങര വഴിയും കിഴക്കേകോട്ടയിൽ നിന്ന് പേരൂർക്കട, കേശവദാസപുരം ഭാഗത്തേക്കു പോകുന്ന വാഹനങ്ങൾ അട്ടക്കുളങ്ങര, കിള്ളിപ്പാലം, തമ്പാനൂർ, പനവിള, ബേക്കറി വഴിയും കിഴക്കേകോട്ടയിൽ നിന്ന് ബൈപ്പാസ് വഴി പോകേണ്ട വാഹനങ്ങൾ അട്ടക്കുളങ്ങര, ഈഞ്ചയ്ക്കൽ വഴിയുമാണ് പോകേണ്ടത്. പരാതികൾക്ക് 9497987001, 9497987002 എന്നീ നമ്പരുകളിൽ വിളിക്കാം
പങ്കെടുക്കാനെത്തുന്ന വാഹനങ്ങളുടെ പാർക്കിംഗ് കേന്ദ്രങ്ങൾ
ആറ്റുകാൽ ക്ഷേത്രം പാർക്കിംഗ് ഗ്രൗണ്ട്
ഗാന്ധി പാർക്ക് – പഴവങ്ങാടി ഓവർ ബ്രിഡ്ജ് വരെയുള്ള മനുഷ്യച്ചങ്ങലയിൽ പങ്കെടുക്കാനെത്തുന്ന സ്‌കൂൾ വാഹനങ്ങൾ
പുത്തരിക്കണ്ടം മൈതാനം
ഓവർ ബ്രിഡ്ജ്, പുളിമൂട്‌, സെക്രട്ടേറിയറ്റ് മെയിൻ ഗേറ്റ് യൂണിവേഴ്സിറ്റി കോളേജ് ഗേറ്റ് വരെയുള്ളവ
സെനറ്റ് ഹാൾ ഗ്രൗണ്ട്, യൂണിവേഴ്സിറ്റി കോളേജ്, സംസ്‌കൃത കോളേജ് ഗ്രൗണ്ടുകൾ
യൂണിവേഴ്സിറ്റി കോളേജ് ഗേറ്റ് വാർ മെമ്മോറിയൽ പാർക്ക് വരെയുള്ളവ
എൽ.എം.എസ്. കോമ്പൗണ്ട്
വാർ മെമ്മോറിയൽ പാർക്ക് എൽ.എം.എസ് ജംഗ്ഷൻ വരെയുള്ളവ
ജിമ്മി ജോർജ് സ്റ്റേഡിയം പാർക്കിംഗ്
എൽ.എം.എസ് ജംഗ്ഷൻ മ്യൂസിയം മെയിൻ ഗേറ്റ് വരെയുള്ളവ
ടാഗോർ തിയേറ്റർ,ശ്രീമൂലം ക്ലബ് ഗ്രൗണ്ടുകൾ
മ്യൂസിയം മെയിൻ ഗേറ്റ് മാനവീയംവീഥി വരെയുള്ള മനുഷ്യച്ചങ്ങലയിൽ പങ്കെടുക്കാനെത്തുന്ന വാഹനങ്ങൾ
സാൽവേഷൻ ആർമി സ്‌കൂൾ ഗ്രൗണ്ട്
മാനവീയം വീഥി വെള്ളയമ്പലം അയ്യങ്കാളി വരെയുള്ളവ