ചേർത്തല:ഗാന്ധി സ്മാരക ഗ്രാമസേവാ കേന്ദം ജില്ലയിലെ സ്‌കൂൾ വിദ്യാർത്ഥികൾക്കായി നടത്തുന്ന സ്‌കൂൾ അഗ്രി ഫെസ്​റ്റിന് തുടക്കമായി.കൃഷിയാണ് ലഹരി' എന്നതാണ് സ്‌കൂൾ അഗ്രി ഫെസ്​റ്റ് 2022 ന്റെ മുദ്റാവാക്യം.പരിപാടിയുടെ കോ ഓർഡിനേ​റ്റർമാരായിട്ടുള്ള അദ്ധ്യാപകരുടെ യോഗം എസ്.എൽ.പുരം ഗാന്ധി സ്മാരക ഗ്രാമസേവാ കേന്ദ്രത്തിൽ നടന്നു.പ്രസിഡന്റ് രവി പാലത്തുങ്കൽ, ജനറൽ സെക്രട്ടറി രമ രവീന്ദ്രമേനോൻ,പ്രോഗ്രാം ഓഫീസർ പി.എസ്.മനു,എക്സിക്യൂട്ടീവ് എൻ.എ.ആശാലത എന്നിവർ പങ്കെടുത്തു. വിവിധയിനം പച്ചക്കറി വിത്തുകളുടെ വിതരണവും യോഗത്തിൽ നടന്നു.