ചേർത്തല: കണിച്ചുകുളങ്ങര യൂണിയന്റെ നേതൃത്വത്തിൽ ആർ.ശങ്കറിന്റെ 50-ാമത് ചരമവാർഷിക ദിനം ആചരിച്ചു. അനുസ്മരണ സമ്മേളനം യൂണിയൻ പ്രസിഡന്റ് വി.എം. പുരുഷോത്തമൻ ഉദ്ഘാടനം ചെയ്തു. വൈസ് പ്രസിഡന്റ് പി.കെ.ധനേശൻ അദ്ധ്യക്ഷത വഹിച്ചു. യോഗം ഇൻസ്പെക്ടിംഗ് ഓഫീസർ കെ.കെ.പുരുഷോത്തമൻ, യൂണിയൻ കൗൺസിലർമാരായ കെ.സി.സുനീത്ബാബു, ഗംഗാധരൻ മാമ്പൊഴി, കെ.സോമൻ, യൂത്ത്മൂവ്മെന്റ് യൂണിയൻ പ്രസിഡന്റ് അനിലാൽ കൊച്ചുകുട്ടൻ, വനിതാസംഘം യൂണിയൻ സെക്രട്ടറി പ്രസന്ന ചിദംബരൻ, കണിച്ചുകുളങ്ങര 479-ാം നമ്പർ ശാഖ സെക്രട്ടറി വി.കെ.മോഹനദാസ് എന്നിവർ സംസാരിച്ചു. യൂണിയൻ സെക്രട്ടറി ഇൻ ചാർജ് പി.എസ്.എൻ. ബാബു സ്വാഗതവും വനിതാസംഘം യൂണിയൻ വൈസ് പ്രസിഡന്റ് സുമ ഗോപൻ നന്ദിയും പറഞ്ഞു.