ആലപ്പുഴ: ഇരവുകാട് സ്‌നേഹദീപം വയോജന ചാരിറ്റബിൾ സൊസൈറ്റിയുടെ ആഭിമുഖ്യത്തിൽ സൗജന്യ നേത്രപരിശോധന, തിമിര ശസ്ത്രക്രിയ ക്യാമ്പും ആയുർവേദ മെഡിക്കൽ ക്യാമ്പും നാളെ നടക്കും. രാവിലെ 9 മുതൽ നൈമിഷാരണ്യം പാലിയേറ്റീവ് കെയർ, സ്‌നേഹദീപം ചാരിറ്റബിൾ സൊസൈറ്റി, ശ്രീരുദ്ര ആയുർവേദ ആശുപത്രി, കൊച്ചി ഐ ഫൗണ്ടേഷൻ എന്നിവയുടെ സംയുക്താഭിമുഖ്യത്തിൽ ഇരവുകാട് ടെമ്പിൾ ഒഫ് ഇംഗ്ലീഷ് മീഡിയം സ്‌കൂളിലാണ് ക്യാമ്പ്. ആയുർവേദ മെഡിക്കൽ ക്യാമ്പിൽ ഡോ. വിഷ്ണു നമ്പൂതിരി അടക്കമുള്ള ഡോക്ടർമാരുടെ സൗജന്യ സേവനമുണ്ടാകും. ആലപ്പുഴ നഗരസഭ ചെയർപേഴ്‌സൺ സൗമ്യരാജ് ഉദ്ഘാടനം ചെയ്യും. സ്‌നേഹദീപം ചെയർമാൻ ടി.ആർ.ഓമനക്കുട്ടൻ അദ്ധ്യക്ഷത വഹിക്കും. ഡോ. വിഷ്ണു നമ്പൂതിരി മുഖ്യ പ്രഭാഷണം നടത്തും. നൈമിഷാരണ്യം സെക്രട്ടറി രംഗനാഥ്, എസ്.അണ്ണാവി, സ്‌നേഹദീപം ജനറൽ സെക്രട്ടറി ടി.പി.അനിൽ ജോസഫ്, ജി.വിഷ്ണു എന്നിവർ സംസാരിക്കും. ഇന്ന് വൈകിട്ട് 5 വരെ രജിസ്റ്റർ ചെയ്യാം. ഫോൺ: 9446877681.