കുട്ടനാട്: അർജന്റീനയോടുള്ള ആരാധന വീടി​ന്റെ മതി​ലി​ലേക്കും പടർന്നു​. തലവടി ആനപ്രമ്പാൽ തെക്ക് 12-ാം വാർഡ് വാലയിൽ ബെറാഖ ഭവന്റെ മതി​ലാണ് അർജന്റീന താരങ്ങളുടെ ജഴ്സി​ക്കു സമാനമായ നി​റത്തി​ൽ തി​ളങ്ങി​ ആരാധകരെ ആവേശം കൊള്ളി​ക്കുന്നത്.

പൊതുപ്രവർത്തകനായ ഡോ. ജോൺസൺ വി.ഇടിക്കുളയും ആരോഗ്യ പ്രവർത്തകയായ ജിജിമോൾ ജോൺസണും മക്കളായ ബെന്നിനും ഡാനിയേലിനും അർജന്റീനയോടുമുള്ള ഇഷ്ടമാണ് മതി​ലി​ന്റെ നി​റംമാറ്റത്തി​നു കാരണം. ചെറുപ്പം മുതലേ അർജന്റീന ആരാധകരാണ് ബെന്നും ഡാനി​യേലും. പത്രങ്ങളിൽ നി​ന്ന് മെസി​യുടെ ചി​ത്രങ്ങൾ വെട്ടിയെടുത്ത് നോട്ട് ബുക്കിൽ ഒട്ടിച്ച് സൂക്ഷിക്കുന്നത് പതിവായിരുന്നു. ബെൻ ജോൺസൺ നാഷണൽ യൂത്ത് ക്യാമ്പ് ബാസ്കറ്റ് ബാൾ ടീം അംഗമായിരുന്നു. കോട്ടയം സി.എം.എസ് കോളേജ് വിദ്യാർത്ഥിയായ ഇളയ മകൻ ഡാനിയേൽ എൻ.സി.സി കേഡറ്റാണ്.